ناسنامه‌یا فه‌رمانداره‌كه یه‌ژا ستارێ و 2 چه‌كدارێن دن یێن په‌كه‌كێ ئاشكه‌ره بوو كو ئه‌و ژی به‌ریا دو مه‌هان هاتبوونه كوشتن و ژ نوو ڤه مرنا وان هات راگهاندن.
هه‌په‌گێ باسكێ له‌شكه‌ری یێ په‌كه‌كێ ئیرۆ رۆژا سێشه‌می 4\6\2024ێ مرنا 3 چه‌كدارێن خوه یێك ژێ فه‌رماندارا یه‌ژا- ستارێ یه ئاشكه‌ره كر كو د 8ی نیسانا ئیسال 2024ێ ده ل چیایێ مه‌تینایێ یێ ل باشوورێ كوردستانێ هاتبوو كوشتن و ژ نوو ڤه مرنا وان راگهاند.
ناڤێن وان ووسایه:
بێریڤان له‌تیف ژ ئامه‌دێ.
نوورللا وه‌لی ژ ئامه‌دێ.
ئه‌سه‌د رائد ژ قامشلۆیێ.
هه‌په‌گێ د په‌سنێ ڤان چه‌كداران ده گۆتیه ملیتانێن مه یێن ئاپۆیی جانێ خوه فه‌دایێ رێبه‌رتیێ كرن، ئه‌م وان سلاڤ دكن!.
ژ ده‌ستپێكا مه‌ها نیسانا ئیسال و هه‌یا ئیرۆ، په‌كه‌كه هه‌ر رۆژ وێنه‌یێن كۆمێن زارۆك و جوانێن كوردان د مه‌دیایا خوه ده پارڤه‌دكه، جوانێن كو د سال و مه‌هێن به‌رێ ده دا ینه كوشتن و مرنا وان ڤه‌شارتی هشتیه.
ل گۆری ئاگاهیێن داركا مازی، رێخستن په‌كه‌كێ مرنا ب سه‌دان چه‌كدارێن خوه ڤه‌شارتی هشتیه و هێژان ناسنامه‌یێن وان نه‌هاتنه ئاشكه‌ره كرن.
