په‌كه‌كێ ب سه‌ر بنگه‌هه‌كێ ته‌ندروستیێ دا گرت و هه‌موو پێداویستیێن تێدا برن

هه‌ژماره‌كه‌ چه‌كدارێن په‌كه‌كێ ب سه‌ر بنكه‌یا ته‌ندروستیێ یا گونده‌كێ باشوورێ كوردستانێ ده‌ گرتن و ته‌ڤ پێداویستیێن تێ ده‌ برن.

چاڤكانیێن داركا مازی ئاشكه‌ره‌ كرن، ل رۆژێن رابووری هه‌ژماره‌كه‌ چه‌كدارێن په‌كه‌كێ ب سه‌ر بنكه‌یا ته‌ندروستیێ یا گوندێ پاره‌زان یێ گرێدای پێنجوینێ ده‌ گرتن و ته‌ڤ پێداویستیێن كو د وێ بنكه‌یێ ده‌ بوون برن.

ده‌ستنیشان كر، په‌كه‌كێ ل رۆژا 22 نیسانا ئیسالێ 2024ێ ب سه‌ر بنكه‌یا ته‌ندروستی یا گوندێ پاره‌زان ده‌ گرتبوو و پشتی تێكدانا بنكه‌یێ، هه‌موو پێداویستیێن تێ ده‌ وه‌كه‌ ده‌رمان، پێداویستیێن پزیشكی و په‌ره‌ برن.

ژ ده‌ستپێكا مه‌ها نیسانێ په‌كه‌كێ وه‌نداهیێن مه‌زن دا نه‌، ب ده‌هان چه‌كدارێن وێ كه‌تنه‌ به‌ر ئێریشان، لوما ژی ژ بۆی دابینكرنا ده‌رمانان رێخستن كه‌تیه‌ د كریزێ ده‌.