چار پارتیێن سیاسی یێن ل رۆژئاڤایێ کوردستانێ ژ کۆمیسیۆنا بلند یا ھلبژارتنا خوەستن کو ھلبژارتنێن شارەداریان یێن کو بریارە رۆژا 11 خزیرانێ بێن کرن، بێن پاشخستن.
پارتیا یەکیتیا دەمۆکراتکا کورد ل سووریێ (یەکیتی)، پارتیا ئەل-وەتەن ئەل-سووری، پارتیا گوھەرتن و پێشکەتنا ل سووریێ و پارتیا ھەڤپەیمانیا نیشتیمانی یا دەمۆکراتا سووری سەری ل کۆمیسیۆنێ دان و داخوازا پاشخستنا ھلبژارتنان کرن.
ل گۆری ئاگاھیان، کۆمیسیۆنا بلند یا ھلبژارتنێ دێ د رۆژێن پێش دە دەربارێ ڤێ داخوازێ دە داخویانیەکێ بدە.
ل گۆری بریارا کۆمیسەریا بلند یا ھلبژارتنان، ھلبژارتنێن شارەداریان دێ رۆژا 11 خزیرانێ بێن کرن.
ئەڤ یەک د دەمەکێ دەیە، سەرۆککۆمارێ ترکیەیێ رەجەب تەییب ئەردۆگان بەری چەند رۆژان گەفا وێ یەکێ کربوو کو ئەو ب چ ئاوایی رێ نادن ھبژارتنێن شارەداریان ل رۆژئاڤایێ کوردستانێ و ناڤچەیێن رێڤەبەریا خوەسەر بێن کرن.
