ھوداپار دانانا قەیومان رەخنە دکە
سەرۆکێ گشتی یێ ھووداپارێ زەکەریا یاپجۆگلو، دامەزراندنا قەیوومەکی ل شارەداریا جۆلەمێرگێ رەخنە کر. یاپجۆگلو گۆت، “گەر کەسەک ژ بەر کو سووچ کریە ژ ئەرکی بهێت دوورخستن، و ب رێبازا هەلبژارتنان ئەو کەس هاتبیتە هلبژارتن نە درستە کەسەک ل جیهێ وی بهێت دامەزراندن .”
سەرۆکێ پارلەمەنتۆیا ترکیەیێ نەعمان کورتولموش د چارچۆڤەیا گۆتوبێژێن دەستوورا بنگەهین یا نوو دە لگەل سەرۆکێ گشتی یێ ھوداپارێ زەکەریا یاپجۆگلو ھەڤدیتن کر.
یاپجۆگلو پشتی ھەڤدیتنێ داخویانی دا رۆژنامەڤانان، و دەستنیشان کر کو ئەو دێ ب قاسی کو ژ دەستێ وان بهێت د پێڤاژۆیا چێکرنا دەستوورێ بنگەهین یێ نوو دە ھەڤکاریێ بدن و دەستنیشان کر کو پێویستیا ترکیەیێ ب دەستوورەک نوو ھەیە.
یاپجۆگلو ئاماژە ب وێ یەکێ ژی کر کو ھەتا نھا 21 گوھەرتن د دەستووری دە ھاتنە کرن و وھا گۆت: “ھندەک کەس دخوازن ل سەر وێ یەکێ نیقاشان بکن کا گەلۆ مەجلیس خوەدی ئیرادا چێکرنا دەستوورەکێ نوویە یان نا. ھەلبەت دڤێت ئەڤ مژارە ژی بهێت نیقاشکرن. قەبوولکرنا کو مەجلیسێن شێورمەندیێ یێن کو ژ ئالیێ گەل ڤە ژ ئالیێ داربەکاران ڤە ھاتنە ھلبژارتن، دکارن دەستوورەکێ ب تەڤاھی نوو چێبکن؛ “کی دبێژە پارلامەنتۆیا کو ئیرادەیا ژ سەدی 95 گەل نیشان ددە، نە خوەدی رایا چێکرنا دەستوورەک وھایە؟ دڤێت ھەر کەس ڤێ یەکێ ببینە.”
یاپجۆگلو، ئانی زمان کو د دەربارێ بنچاڤکرنا ھەڤشارەدارێ جۆلەمێرگێ محەمەد سدیق ناکت و دانانا قەیوومەکی ل شوونا وی دە چ نیقاش نەھاتنە کرن و ل سەر مژارێ ئەڤ تشت گۆت.
“پێویستە چ کەسەکی ھلبژارتی خوە مافدار نەبینە کو ل دژی یاسایێ دەرکەڤە.
ئەم نزانن کا وی تشتێن کو تێن ئیدیعاکرن کرنە یان نا.. دەر بارێ ناڤەرۆکا دۆسیایێ دە مە چ ئاگاھیەک نینە. گەر کەسەک ژ بەر کو تاوانەک کریە ژ ئەرکی بهێت دەرکرن؛ ‘ئەڤ نە پرۆسەدور و رێبازەک راستە کو کەسەک ژ بۆ پۆستەک ھلبژارتی بهێت دامەزراندن.”
