5 پۆلیسێن کو د نەورۆزا 2023 دە ل ئامەدێ د پیرۆزباھیا نەورۆزێ دە ل زارۆکەکی 14 سالی دابوون، ژ بۆ ھەر یەکێ 8 سال سزایێ گرتیگەھێ ھات برین.
د 21 ئادارا 2023 دە دەما دانێ ئێڤارێ ل ناڤچەیا لجێ یا دیاربەکرێ پشتی پیرۆزباھیا نەورۆزێ، پۆلیسان ل زارۆکەک 14 سالی دابوون و ئەو ئیشکەنجە کربوو. ژ بەر ڤێ یەکێ ژی ئەو پۆلیس هاتن دادگەهکرن.
د دادگەھێ دە سەرۆکێ سەندیکایا پارێزەرێن دیاربەکر ژی ئامادەبوو.
پشتی پاراستنا پارێزەرێن ی.د و پۆلیسێن تاوانبار، دادگەھێ ژ بەر تاوانا “تونەکرنا ئازادیا کەسایاتی” د چارچۆڤەیا خالا 109 یا یاسایا سزایی یا ترک 8 سال سزایێ گرتیگەھێ بۆ ھەر پۆلیسەکی تاوانبار دەر کر. ژ بەر تاوانا “زرار گهاندنا ب مالی” ژی ھەر یەک ب 4 ھەزار و 500 لیرەیان ھاتن سزادان.
سەرۆکێ سەندیکایا پارێزەرێن دیاربەکرێ ناھید ئەرەن، دیار کر کو وان بریارا دادگەھێ ئەرێنی دیتنە و وھا گۆت: “وەکی کو مە ژ رۆژا ئەول و ڤر ڤە دیار کریە و د دەلیلێن د دۆسیایێ دە و د بریارا دادگەھێ یا دەر حەقێ 3 گولانا 2023 دە ژی ھاتیە دیارکرن. کریارا ئەفسەرێن پۆلیسان ب ئەشکەرە تاوانا ئیشکەنجەیێ یە و دڤێت ژ بەر ڤێ تاوانا ئیشکەنجەیێ بێن سزادان.” وەکە سەندیکایا پاریزەرێن ئامەدێ ئەم دێ دۆزێ بشۆپینن.
