ئیرۆ 6/6/2024 رێڤەبەریا پەکەکێ یا ل رۆژئاڤایێ کوردستانێ بریار دا ھەلبژارتنێن شارەدارییێ بێن پاشخستن.
ھەلبژارتنێن شارەداریێ یێن رۆژئاڤایێ کوردستانێ بریار بوو رۆژا 11 خزیرانێ بهێن ئەنجامدان و ئیرۆ ب بریارەکا پەکەکێ ھەلبژارتن ژ بۆ مەھا تەباخێ ھاتن پاشخستن و ھات راگەھاندن تالۆق کرن و پاشخستنا ھەلبژارتنا ل سەر داخوازا بەشەک پارتی و ھەڤپەیمانیێن سەر ب پەکەکێ بوویە، ژ بەر کو دەما پێویست یا ژ بۆ بانگەشەیا ھەلبژارتنێ و ناساندنا بەربژێرێن وان ل بەر دەست نەبوویە.
بەری نھا وەزارەتا کارێن دەرڤە یا ئامەریکایێ ژی دەربارێ ھەلبژارتنێن رۆژئاڤایێ کوردستانێ راگەھاندبوو: “مەرجێن ھەلبژارتنێ ل ھەرێما باکور و رۆژھلاتێ سووریێ نینن” و راگەھاندبوو ئەو نە د گەل ئەنجامدانا هەلبژارتنانە ل رۆژئاڤا کوردستانێ.
ھەروھا ژ ئالیێ دن ڤە ل ھەمبەر ئەنجامدانا ھەلبژارتنان ترکیێ ژی ئێریشێن خوە زێدە کربوون و ل گەلەک جھان ئێریشێن ب درۆن پێکانیبوون.
رێڤەبەریا خوەسەر یا رۆژئاڤایێ کوردستانێ راگەھاند، ل سەر داخوازا ھندەک پارتی و تیفاقێن سیاسی ھەلبژارتنێن شارەداریان ژ بۆ تەباخێ ھاتنە پاشخستن، لێ رۆژا ھەلبژارتنێ نەھاتە راگەھاندن.
