ل سینۆرێ د نێڤبەرا سووریێ و ئیراقێ دە پرسگرێک و ئالۆزی د نێڤبەرا پەکەکێ و یەپەگێ دە دروست بوونە و هەر ئالیەک یێ دن ب خەمسار د پاراستنا سینۆری دە تاوانبار دکە.
چاڤکانیێن تایبەت یێن پێگەها دارکا مازی ئەشکەرە کرن، ل سەر سینۆرێ د نێڤبەرا سووریێ و ئیراقێ دە ل هەرێما شەنگالێ پرسگرێک و ئالۆزی د نێڤبەرا چەکدارێن سەر ب یەپەگێ و پەکەکێ ڤە روودان، هەر ئالیەک ئالیێ دن ب خەمسار د پاراستنا سینۆر دە سووچبار دکە، ب ئاوایەکی کو ت باوەری د نێڤبەرا وان دە نەمایە و گهایە ئاستەکی هێزێ ل همبەر هەڤ بلڤینن.
چاڤکانیێن دارکا مازی ئەشکەرە کرن، ل سەر ڤێ مژارێ بەرپرسەکی پەکەکێ یێ ب ناڤێ ئارگەش گەف ل هێزێن یەپەگێ کرنە کو نابە ب ت ئاوا چەکدارێن سەر ب یەپەگێ ڤە سینۆرێ چالاکیێن پەکەکێ ژ ئالیێ ئیراقێ ڤە “شەنگالێ” ببەزینن و بەرەڤاژی ڤێ یەکێ دێ بەرتەکێن پڕ توند نیشانی وان بدن.
تەکەز کرن، پشتی گەفێن ڤی بەرپرسێ پەکەکێ ل چەکدارێن یەپەگێ کرین، ناکۆکی و پرسگرێکێن د نێڤبەرا یەپەگێ و پەکەکێ دە کوورتر بوونە و نە دوورە شەر د نێڤبەرا وان دە دەرکەڤە.
ژ ئالیێ خوە ڤە ترس ل جەم شێنیێن نیشەتجی ل هەرێمێن سینۆری پەیدابوویە و هەبوونا چەکدارێن پەکەکێ ل ڤان هەرێمان ب خەتەری ل سەر ژیانا خوە دزانن.
تەڤی کو یەپەگە ژی د بن تەعلیماتێن پەکەکێ دە تەڤ دگەرە، لێ بەلێ جارنا پرسگرێک و ئالۆزیێن پر مەزن د نێڤبەرا وان دە روو ددن، پەکەکە ژی هەول ددە ڤان ناکۆکیان ڤەشێرە.
