ئەندامێن رێخستنا جوانێن شۆرەشگەر یا گرێدایی پارتیا کارکەرێن کوردستانێ، زارۆکەک تەمەن بچووک ژ باژارێ کۆبانێ یێ رۆژئاڤا کوردستانێ رەڤاند.
ل گۆر ئاگاهیان، ئەندامێن رێخستنا جوانێن شۆرەشگەر د رۆژا 27/5/2024 دە ئەڤ زارۆکێ تەمەن بچووک یێ ب ناڤێ جوان سەیید ئەحمەد حەبەش رەڤاندیە.
تەڤی کو مالباتا جوانی ل ناڤەندێن گرێدایی پارتیا یەکیتیا دەمۆکراتیک و ھێزێن سووریا دەمۆکراتیک ل کورێ خوە گەریایە، لێ بەلێ رێڤەبەریا پەیەدێ د دەستپێکێ دە ھەبوونا “جوان” د ناڤەندێن خوە دە رەد کر و پشترە ژ وان رە راگهاند کو کورێ وان یێ 14 سالی هاتیە چەکدارکرن.
دایکا زارۆکێ رەڤاندی د داخویانیەکێ دە ماتماییبوونا خوە ل ھەمبەر لەشکەرکرنا زارۆکەکی بچووک کو ھینا 14 سالیا خوە تەمام نەکریە، ئانی زمان و گۆت: ئەز نزانم ب کیژان رێبازێ زارۆکێ من برن لەشکەریێ، لێ بێ گومان ھەر کەس دکارە زارۆکێن د تەمەنێ “جوان” دە ب شرینیەکێ بخاپینە.
مالباتا ڤی زارۆکی بانگ ل بەرپرسێن ھێزێن سووریا دەمۆکراتیک دکن کو کورێ وان ڤەگەرینن، نەمازە ژ بەر کو سەرکردەیێ هەسەدێ، مەزلووم عەبدی، رێکەفتنەک ئیمزە کربوو کو تێ دە دیار دکە ئەو دێ رێگریێ ل لەشکەرکرنا زارۆکێن بچووک، چ مێر و چ ژن، یێن د بن 18 سالیێ دە کن.
جوان سەیید ئەحمەد حەبەش کو ناڤێ دایکا وی ساکینایە، د 15 ئادارا 2010 دە ل کۆبانێ ژ دایک بوویە.
