پارتییا وەلاتپارێزێن کوردستانێ (PWK) ل سەر بنچاڤکرنا ھەڤسەرۆکێ پارتییا ئینسان و ئازادییێ (PÎA) ئەحمەد کایا داخویانییەک پارڤە کر و داخواز کر کو ئەحمەد کایا دەملدەست بێ بەردان.
نڤێسینگەها راگەھاندنێ یا پارتیا وەلاتپارێزێن کوردستانێ ئیرۆ 8 خزیرانێ د داخویانیەکێ دە راگھاند، “ھەڤسەرۆکێ پارتییا ئینسان و ئازادییێ ل ئامەدێ ژ ئالییێ پۆلیسێن ئەمنییەتا دییاربەکرێ ھاتییە دەستەسەرکرن. دەستەسەرکرنا ئەحمەد کایا نیشانا وێ ھشمەندییێ یە کو، ئازادییا فکری و برێخستنبووینێ تونە دحەسبینە. ئەحمەد کایا دڤێی دەملدەست بێ بەردان.”
ئەڤ داخویانیا پارتیا وەلاتپارێزێن کوردستانێ پشتی وێ تێ، پۆلیسێن دیاربەکرێ ئیرۆ دانێ سبێ خزیرانێ ب سەر مالا ھەڤسەرۆکێ PÎA ئەحمەد کایا دە گرتبوون و ئەو بنچاڤ کربوون.
