بالافرێن شه‌ر یێن ده‌وله‌تا ترك د ئێریشه‌كێ ده دو چه‌كدارێن دن یێن په‌كه‌كێ ل باشوورێ كوردستانێ كوشتن.
هات راگهاندن د 24 ساعه‌تێن ده‌رباسبوویی ده ئارتێشا تركیێ ئۆپه‌راسیۆنه‌ك ل سینۆرێ هه‌رێما «پەنجە-کلید» یا ل باشوورێ كوردستانێ ئه‌نجام داییه و دو چه‌كدارێن په‌كه‌كێ هه‌ده‌ف كرنه.
ئارتێشا تركیێ رۆژا 5 خزیرانێ ژی ئێریشه‌كه ئاسمانی ل وانێ یا باكورێ كوردستانێ ئه‌نجام دابوو و 3 چه‌كدارێن رێخستنێ كوشتن، یێك ژێ ب ناڤێ «ئیلیاس ئایازی» و ناڤێ كۆد «ده‌مهات شه‌رۆ وه‌لات» بوو كو د ئاستا به‌رپرسیاریێ ده یه.
ئارتێشا ترکیێ رۆژا 17ێ نیسانا 2022ان د ناڤ ئاخا باشوورێ کوردستانێ دە ب هنجەتا هەبوونا بنکە و بارەگەهێن چه‌كدارێن په‌كه‌كێ دەست ب ئۆپەراسیۆنا ب ناڤێ «پەنجە-کلید» کر و ئۆپەراسیۆن هەتا نها بەردەوامە. ئۆپەراسیۆنا «پەنجە-کلید» ناڤچەیێن مەتینا، زاپ و ئاڤاشین-باسیانێ یێن ل سینۆرێ ناڤچەیا ئامێدیێ ل خوە دگرە.
