ناسنامه‌یا 3 چه‌كدارێن په‌كه‌كێ ئاشكه‌ره بوو كو ل سالا 2020ێ ل ئاڤاشینێ كه‌تبوون به‌ر ئێریشێن ده‌وله‌تا ترك و په‌كه‌كێ ژ نوو ئیرۆ مرنا وان ئیلان كر.
هه‌په‌گێ باسكێ له‌شكه‌ری یێ په‌كه‌كێ دوهـ رۆژا ئینی 7/6/2024ێ ناسنامه‌یا 3 چه‌كدارێن خوه ئاشكه‌ره كر كو ئه‌ڤ نێزی 4 سالانه مرنا وان ڤه‌شارتی هشتی یه، ئه‌و چه‌كدار ل 7 خزیرانا 2020ێ ل هه‌رێما ئاڤاشینێ كه‌تبوون به‌ر ئێریشێن ده‌وله‌تا ترك.
په‌كه‌كه وه‌كه هه‌موو جوانێن كوردان یێن كو د به‌رخوه‌دانا خوه یا ساخته دا به‌رێ وان دایه مرنێ، د په‌سنێ ڤان سێ چه‌كداران ده ژی دبێژه: «ملیتانێن ئاپۆیی فه‌دایێ ئاپۆ بوون».
ئارتێشا ده‌وله‌تا ترك ژده‌ستپێكا مه‌ها گولانێ ڤه ب ئێریشێن ئاسمانی ده‌ربێن گران ل په‌كه‌كێ دا نه و رێخستن ژی ده‌ربارێ وان ت ئاگاهی و داخویانیان نا ده و وه‌نداهیێن خوه ڤه‌دشێره.
