ل پارکا تەما یا ل سەر کۆلانا نازم حیکمەت یا ناڤچەیا کایاپنارێ یا ناڤەندا ئامەدێ ل قادا ڤەکری دە، دبستانەکا ھینکرنا سەمایێ یا تایبەت چالاکیا سەمایی (گۆڤەند)ێ ل دار خست.
کۆمەکا کو ژ 50 کەسان پێک تێ دەما کو پێشاندانا گۆڤەندێ دەست پێ کر ھاتن پارکێ و درووشمێن “تەکبیر-ئەلاھو ئەکبەر” گۆتن و موداخەلەیی چالاکیا گۆڤەندێ کرن و خوەستن کەسێن گۆڤەندێ دکن ژ قادا پارکێ دەرکەڤن و بەلاڤ ببن.
لێ دەما کو بەشدارێن چالاکیێ داخوازا گرۆپا ئێریشکار قەبول نەکرن و ژ قادێ دەرنەکەتن راستی ئێریشا کۆما کو تەکبیر دگۆتن ھات. د دەما ئێریشا ب کورسیان دە ھندەک کەسێن کو چالاکی دکرن بریندار بوون.
ل سەر ئاگاھدارکرنێ تیمێن تەندورستیێ و پۆلیسان ھاتن جھێ بوویەرێ. ژ برینداران 2 کەس ب ئامبولانسا راکرن نەخوەشخانەیێ.
