ئەنجوومەنا نشتمانی یا کوردی ل سووریێ (ئه‌نه‌كه‌سێ) راگهاند، چەکدارێن سەر ب په‌یه‌دێ ڤە مەدیاکەرەکی وان و ئەندامەکی سەرکرداتیا پارتیا یەکیتیا کوردستانی ل باژارێ عاموودێ رەڤاندن.
ئه‌نه‌كه‌سێ ل سەر رووپەلا خوە یا «فه‌یسبووكێ» بەلاڤ کر چەکدارێن سەر ب په‌یه‌دێ ڤە شەڤا بۆری ب سەر مالا ئەندامێ سەرکرداتیا پارتیا یەکیتیا کوردستانی «فەواز بەنگۆ» دە گرت و ئەو رەڤاند.
دا زانین ژی، چەکدارێن سەر ب په‌یه‌دێ ڤە شەڤا بۆری ب سەر مالا مەدیاکار «بێریڤان ئیسماعیل» دە گرت و ئەو ژی رەڤاند.
ئەڤ یەک د دەمەکێ دەیە، ئه‌نه‌كه‌سێ ئیرۆ د داخویانیەکە دن دە بەلاڤ کربوو و تێ ده راگهاند كو، ئەندامێ ئەنجوومەنا شاخێ یا په‌ده‌كه – سێ «خالد محەمەد میرۆ» دوهی 9ێ هەزیرانێ و ئەندامێ ئەنجوومەنا هەرێمێ یا په‌ده‌كه – سێ «عەبدلرەحمان شەنگ» ژی رۆژا 6ێ هەزیرانێ ل دێرکێ ژ ئالیێ چەکدارێن سەر ب په‌یه‌دێ ڤە هاتبوون رەڤاندن.
هەروها ئه‌نه‌كه‌سێ چەکدارێن سەر ب په‌یه‌دێ ڤە ژ بەر ڤان بنپێکرنان دە بەرپرس دیت، رەڤاندنا وان شەرمەزار کر و داخوازا ئازادکرنا وان یا دەملدەست کر.
