رایه‌داره‌كی رێڤه‌به‌رییا خوه‌سه‌ر ئاشكه‌ره كر كو ئامه‌ریكایێ ب توندی هشیاری دایه وان كو هلبژارتنان ئه‌نجام نه‌ده‌ن و ژ وان ره گۆتیه كو هه‌گه‌ر هلبژارتن وه‌رن ئه‌نجام دایین، ئه‌وێ رێ ل به‌ر ئێریشا چاڤه‌رێكری یا تركیێ نه‌گرن.
چاڤکانیەکی فەرمی ژ رێڤەبەریا خوەسەر یا باکورێ رۆژهلاتێ سووریێ کو پارتیا یەکیتیا دەمۆکراتیک (په‌یه‌ده) سەرپەرشتیا وێ دکە، ئەشکەرە کر کو هلبژارتنێن شارەداریان کو بریار بوو د 11ێ هەزیرانێ دە بهاتانا لدارخستن، بۆ ده‌مه‌كی نەدیار هاتن پاشخستن و گۆت: واشینگتۆنێ ب توندی هشیاری دا مە هه‌گه‌ر هلبژارتن وه‌رن ئه‌نجام دایین، ئه‌وێ رێ ل به‌ر ئێریشا چاڤه‌رێكری یا تركیێ نه‌گرن.
سەرۆکێ یەک ژ پارتیێن بەشدار د رێڤەبەریا خوەسەر دە (کو خوەست ناڤێ وی نەیێ ئەشکەرەکرن) گۆت کو سكۆت بۆلز، نوونەرێ نوو یێ وەزارەتا دەرڤە یا ئامەریکا ژ بۆ باکورێ رۆژهلاتێ سووریێ، فشارەکە مەزن ل سەر “رێڤەبەریا خوەسەر” کر کو هلبژارتنان پاشدە بخە و د ڤێ ده‌ربارێ ده هەڤدیتنێن بەرفرەهـ ب رێبەرێن هەرێمێ رە پێک ئانی.
هه‌ر وها بال کشاند سەر وێ یەکێ کو بۆلز هشیاری دا بەرپرسێن رێڤەبەریا خوەسەر و هێزێن سووریا دەمۆکراتیک ل سەر جدیەتا گەفێن ترکیێ و راگهاند کو واشنگتۆن دێ نکاربە رێ ل ئێریشا نوو یا ترکیێ بگرە کو دبە ب پێلەکە مەزنا بۆمبەبارانکرنا جهێن ستراتیژیک پێک بینە. وەک ئیستاسیۆنێن نەفت و ئەنەرژیێ یان ژی ئۆپەراسیۆنەکە بەژایی یا بسینۆر د دەمەکە نێزیک دە.
هەروها تەکەز کر کو، وەزارەتا دەرڤە یا ئامەریکایێ ژی نەبوونا ئاتمۆسفەرا گونجاو ژ بۆ لدارخستنا هلبژارتنان دیار کر،نە تەنێ ژ بەر رەوشانە ئاراما ئەولەهیێ، بەلکو نەبوونا نوونەراتیا رێڤەبەرییا خوەسەر ژ هەموو پێکهاتە و ئالیێن سیاسی یێن هەرێمێ رە.
پێنجشەما بۆری رێڤەبەریا خوەسەر پاشخستنا هلبژارتنێن شارەداریان ژ 11ێ هەزیرانێ بۆ 8ێ تەباخێ راگهاندبوو، ب بەهانەیا کو 4 پارتیێن سیاسی و هەڤپەیمانان داخوازنامەیەک پێشکێشی وان کربوون، ژ بەر «دەما سینۆرکری یا دەما پرۆپاگاندایێ و دابینکرنا دەمەکە تێرا خوە ژ بۆ گهاندنا رێخستنێن ناڤدەولەتی ژ بۆ شۆپاندنا پێشڤەچوونا پرۆسەیا هلبژارتنان.
