چەکدارێن پەیەدێ ئەندامەکی دن یێ پەدەکە-سێ ل گەرکێلەگێ رەڤاند

چەکدارێن پەیەدێ ئەندامێ ئەنجوومەنا خوەجھی یا پارتیا دەمۆکراتا کوردستان – سووریا ل باژارۆکێ گرکێلەگێ یێ گرێدایێ دێرکێ ل رۆژئاڤاێ کوردستانێ، رەڤاندن.

ل گۆر ئاگهیان، چەکدارێن پەیەدێ ب شێوەیەکی ھۆڤانە رۆژا دوشەمبێ 10 خزیرانا 2024، گرتن سەر مالا ئەندامێ ئەنجوومەنا خوەجھی یا پارتیا دەمۆکراتا کوردستان – سووریا (پەدەکە-سێ)ێ، محەمەد تەعلۆ، ل باژارۆکێ گرکێلەگێ ل رۆژئاڤایێ کوردستانێ، و رەڤاند و بەر ب جھەکی نەدیار ڤە بر.

محەمەد تەعلۆ خێزاندارە و ژ دایکبوویێ سالا 1976 و ژ گوندێ جیلکا یێ گوندەوارێ دێرکێ یە.

ئەڤ یەک د دەمەکێ دەیە، ئه‌نه‌كه‌سێ پێش نها د داخویانیەکێ دە راگهاند كو، ئەندامێ ئەنجوومەنا شاخێ یا په‌ده‌كه‌ – سێ «خالد محەمەد میرۆ» رۆژا 9ێ خزیرانێ و ئەندامێ ئەنجوومەنا هەرێمێ یا په‌ده‌كه‌ – سێ «عەبدلرەحمان شەنگ» ژی رۆژا 6ێ خزیرانێ ل دێرکێ ژ ئالیێ چەکدارێن سەر ب په‌یه‌دێ ڤە هاتنە رەڤاندن.

ب رەڤاندنا محەمەد تەعلۆ ھەژمارا کەسێن کو ژ ئالیێ چەکدارێن پەیەدێ ڤە ھاتنە رەڤاندن د ھەیاما سێ مەھان دە گھیشت 14 سیاسەتمەدار، رۆژنامەڤان و چالاکڤانێن ئەنجوومەنا نشتیمانی یا کوردی ل سووریێ، د ناڤ وان دە رۆژنامەڤانەکا ژن ژی ھەیە.