سەرۆکێ پارتیا تەڤگەرا نەتەوپەرەست (مه‌هه‌پێ) دەولەت باغچه‌لی ل سەر هلبژارتنێن شاره‌داریێ گەف ل رۆژئاڤایێ کوردستانێ خوار.
باغچه‌لی گۆت: هلبژارتن دڤێ ب تەمامی ژ رۆژەڤێ بێن دەرخستن و جارەکە دن نەبە مژارا نیقاشێ.
سەرۆکێ مه‌هه‌په دەولەت باغچه‌لی د جڤینا هەفتانە یا پارتیا خوە دە بەحسا هلبژارتنێن رۆژئاڤایێ کوردستانێ و دانینا قەیوومان کر.
دەولەت باغچه‌لی گۆت کو ئەگەر هلبژارتن ل رۆژئاڤایێ کوردستانێ چێببن دێ مەترسیەکە مەزن ل سەر ئەولەهیا ترکیێ چێببە.
باغچه‌لی ئەو هلبژارتن وەکی پرۆژەیەکە ئەمپەریالیست کو دخوازە سووریەیێ پەرچە بکە ب ناڤ کر و گۆت کو ئارمانجا سەرەکە خەرابکرنا ئەولەهیا ترکیەیێ یە.
دەولەت باغچه‌لی وها گۆت: هلبژارتنێن کو رێخستنا تەرۆریست راگهاند و دخوازە ب پشتگریا ئامەریکایێ بکە، دڤێ ب تەمامی ژ رۆژەڤێ بێ دەرخستن و جارەکە دن نەبە مژارا نیقاشێ ژی.
ئەم ب هەر ئاوایی ل دژی پارچەبوون و بەلاڤبوونا کۆمارا عەرەبا سووریەیێ نە.
ئەم رێزێ ل هەبوونا سیاسی و یەکپارچەییا وی وەلاتی دگرن. ئەم هێڤی دکن هەموو وەلات ژی رێزێ لێ بگرن.
ل سەر کۆمارا عەرەبا سووریەیێ ئۆپه‌راسیۆن کرن، لیستنا ب سیستەما وێ یا ئیداری و هەولێن دەمۆکراتیک ژ بۆ ئاڤاکرنا زەمینەکی رەوا ژ بۆ رێخستنا تەرۆرێ ژ بۆ ترکیەیێ سەدەمەکە مافدارا ئۆپەراسیۆنێ یە.
تەماشەکرنا ڤێ خیانەتێ وەکی کو مرۆڤ وەلاتێ ترکیەیێ و مللەتێ ترکیەیێ بەر ب کارەساتێ ڤە ببە.
باغچه‌لی هەروها د ئاخافتنا خوە دە ژ بۆ دانینا قەیوومەکی سەر شارەداریا جۆلەمێرگێ، وەزیرێ ناڤخوەیێ ترکیەیێ پیرۆز کر.
