ئارتێشا تركیێ د ئێریشه‌كێ ده 4 چه‌كدارێن دن یێن په‌كه‌كێ ل ده‌ڤه‌را ئۆپه‌راسیۆنا «پەنجە-کلید»ێ ل ناڤ سینۆرێ باشوورێ كوردستانێ كوشتن.
ئیرۆ رۆژا چارشه‌می 12\6\2024ێ هات راگهاندن كو ئارتێشا تركیێ ئۆپه‌راسیۆنه‌ك ل سینۆرێ هه‌رێما «پەنجە-کلید» یا ل باشوورێ كوردستانێ ئه‌نجام داییه و 4 چه‌كدارێن په‌كه‌كێ هه‌ده‌ف كرنه.
ئارتێشا تركیێ رۆژا 8 خزیرانێ ژی ئێریشه‌كه ئاسمانی ل هه‌مان ده‌ڤه‌رێ پێكئانی بوو و تێ ده 2 چه‌كدارێن رێخستنێ كوشتبوون.
ئارتێشا ترکیێ رۆژا 17ێ نیسانا 2022ان د ناڤ ئاخا باشوورێ کوردستانێ دە ب هنجەتا هەبوونا بنکە و بارەگەهێن چه‌كدارێن په‌كه‌كێ دەست ب ئۆپەراسیۆنا ب ناڤێ «پەنجە-کلید» کر و ئۆپەراسیۆن هەتا نها بەردەوامە. ئۆپەراسیۆنا «پەنجە-کلید» ناڤچەیێن مەتینا، زاپ و ئاڤاشین-باسیانێ یێن ل سینۆرێ ناڤچەیا ئامێدیێ ل خوە دگرە.
