سەرۆکێ گشتی یێ پارتیا ئینسان و ئازادی ئەحمەد کایا، تەڤی پێنج سیاسەتمەدارێن کورد، ب تۆمەتا ئەندامەتیا کەجەکێ، ب بریارا دادگەھێ ھاتن گرتن.
ھەڤشارەدارێ بەرێ یێ شارەداریا ئەرخەنیێ و سەرۆکێ گشتی یێ پارتیا ئینسان و ئازادیێ ئەحمەد کایا، رۆژا 8 خزیرانێ تەڤی ھەڤشارەدارێ بەرێ یێ ئەرخەنیێ رەمەزان کارتالمش و چار جیگرێن سەرۆکێن شارەداریا ئەرخەنیێ ھاتبوون بنچاڤکرن.
رێڤەبەریا ئەولەھیێ یا دیاربەکرێ دوھ پشتی کو ئیفادەیا وان وەرگرتبوون، ھەر 6 سیاسەتمەدارێن کورد شاندبوون دادگەھا دیاربەکرێ.
ھەر شەش سیاسەتمەدار، ب تۆمەتا کو ناڤبەرا سالێن 2014-2019 بەشداری چالاکیێن نەیاسایی بوونە، ب تۆمەتا ئەندامەتیا رێخستنا تەرۆرێ ھاتن زیندانکرن.
