ل 16 پارێزگەهێن ترکیە و باکورێ کوردستانێ ئۆپەراسیۆنەکە بەرفرەهـ هاتە کرن و د ئەنجامێ دە، 58 گومانبار هاتنە بنچاڤکرن پرانی ژێ ئه‌ندام و ئالیگرێن په‌كه‌كێ نه.
وەزیرێ ناڤخوەیێ ترکیەیێ عه‌لی یەرلیکایا ل سەر تۆرا جڤاکی «X» راگهاند، د چارچۆڤەیا رێزە ئۆپەراسیۆنێن بۆزدۆگان دە، ل 16 پارێزگەهان ئۆپەراسیۆنەکە بەرفرەهـ هاتیە لدارخستن. د ئەنجامێ دە، 16 گومانبار هاتنە بنچاڤکرن.
عه‌لی یەرلیکایا دیار کر ژی، کەسێن هاتنە بنچاڤکرن بەرێ د ناڤا په‌كه‌كێ دە چالاکی و هەماهەنگیا وان هەبوویە، هەروها تەڤلی پرۆپاگاندایا په‌كه‌كێ بوون و د دەما خوەپێشاندان و میتینگان دە ئێریشی پۆلیس و هێزێن دن یێن ئەولەکاریێ کرن.
وەزیرێ ناڤخوەیێ ترکیەیێ دا زانین ژی، د ئۆپەراسیۆنان دە گەلەک چەک، بەلگە و ماتریالێن دژیتال ژی هاتن دەستەسەرکرن.
ل گۆری داخویانیا وەزیرێ ناڤخوە، ئۆپەراسیۆن ل ئەدەنە، ئانتالیا، ئێلهـ، دیاربەکر، ئەلەزیز، دیلۆک، جۆلەمێرگ، ئیزمیر، ستەنبۆل، کارامان، مێرسین، مووش، رها، شرنەخ، دێرسم و وانێ هاتنە کرن.
