چەتەیێن ب ناڤێ “تەڤگەرا جوانێن شۆرەشگەر”یا گرێدایی پارتیا کارکەرێن کوردستانێ “پەکەکێ”، کەچەکا تەمەن بچووک ژ باژارۆکێ ئەھرس یێ گرێدایی ھەرێما شەھبا ل گوندەوارێ باکورێ حەلەبێ کو د بن کۆنترۆلا یەکینەیێن پاراستنا گەل یێن دە یە رەڤاند.
ل گۆری رێخستنا مافێن مرۆڤان ل عەفرینێ د 6عێ خزیرانا 2024 دە زارۆکا ب ناڤێ ئامانی خەلیل شێخ خەلیل یا 16 سالی ژ ئالیێ “تەڤگەرا جوانێن شۆرەشگەر” ڤە هاتیە رەڤاندن و بەر ب کامپێن لەشکەرکرنا زارۆکان ل تل سووسینێ ڤە هاتیە برن.
“ئامانی” ژ دایک بوویا 10/8/2007ێ یە، خوەندەکارەکە لیسانسێ یە کو دەما دچوو کورسێن فێربوونا تایبەت ھاتیە رەڤاندن، ل گۆر رێخستنا مافێن مرۆڤان، پشتی گەلەک هەولدانا ژ ئالیێ مالباتا وێ ڤە ژ بۆ لێگەرینا وێ ل ناڤەندێن گرێدایی پەیەدێ، بەرپرسێن وان ناڤەندان ل خوە مکور ھاتنە کو ئامانی ل جەم وانە و ئەو نها د کامپا تەل سووسینێ مژوولی پەروەردەیا لەشکری یە.
ل گۆری رێخستنا مافێن مرۆڤان، مالباتا ڤێ کەچێ ژ ئالیێ بەرپرسێن پەیەدێ ڤە راستی گەفان ھاتیە، و ژ وان رە هاتیە راگهاندن ت جارەکە دن داخوازا ڤەگەراندنا کەچا خوە ژ وان نەکن.
تەڤی کو ھەسەدێ د خزیرانا 2019 دە لگەل نەتەوێن یەکگرتی پلانەک ژ بۆ بداویکرن و قەدەغەکرنا تەڤلیکرنا زارۆکان د ناڤا چەکداران دە ئیمزە کربوو. لێ ژ دەما کو پەیمان ھاتیە ئیمزەکرن ڤە، رەوشا رەڤاندنا زارۆکان بداوی نەبوویە.
مالباتێن زارۆکێن رەڤاندی ژی کریارێن تەڤگەرا جوانێن شۆرەشگەر شەرمەزار دکن و بانگ ل رێخستنێن کو گرینگیێ ددن مافێن زارۆکان، رێخستنێن ناڤدەولەتی و ئالیێن پێوەندیدار دکن کو فشارێ ل رێڤەبەریا خوەسەر و ھسدێ بکن تا کو چارەنڤیسا زارۆکێن وان دیار بکن.
