تۆرا سووری یا مافێن مرۆڤان ترسا خوە نیشان دا کو رۆژنامەڤان بێریڤان ئیسماعیل د گرتیگەھێن ھێزێن سووریا دەمۆکراتیک دە راستی ئیشکەنجەیێ بێ.
تۆرەیێ د داخویانیەکێ دە دەربارێ رەڤاندنا رۆژنامەڤان بێریڤانێ و ئەندامێ پارتیا یەکیتی فەواز بانکۆ دە راگھاند: خانم بێریڤان فوئاد ئیسماعیل رۆژنامەڤانا ئەنجوومەنا نشتمانی یا کوردی و فەواز سالح بانکۆ ئەندامێ پارتیا یەکتیا کوردستانێ کو ژ باژارێ عاموودێ یێ ل باکورێ پارێزگەھا حەسەکێ نە، ژ ئالیێ چەکدارێن ھێزێن سووریەیا دەمۆکراتیک د 10 خزیرانا 2024 دە، پشتی هاڤێتنە سەر مالا وان ل باژارێ عاموودێ، گرتن و بەر ب جھەکی نەدیار ڤە برن.
تۆرا سووری یا مافێن مرۆڤان دیار دکە کو دەست ب سەر تەلەفۆنا وان ھاتیە گرتن و رێ ب وان نەهاتیە دا کو لگەل مالباتێن خوە باخڤن، ئەم دترسن کو ئەو راستی ئیشکەنجەیێ بێن و وەک 85% یا هەموو گرتیان بێن ونداکرن.
هەر وەها تۆرەیێ تەکەز کر، ئەو داخواز دکن کو قوربانی و مالباتێن وان د وارێ ئابۆری و مەعنەوی دە بێن قەرەبووکرن و ھەموو بنچاڤکرنێن کەیفی یێن ب ئارمانجا بەلاڤکرنا تەرۆرێ د ناڤ ئەندامێن جڤاکێ دە و رەشکرنا مالباتان بێن راوەستاندن و چارەنڤیسا ب هەزاران کەسێن رەڤاندی ژ ئالیێ چەکدارێن هەسەدێ ڤە وەرە ئەشکەرە کرن.
