سەکرەتەرێ گشتییێ نەتەوەیێن یەکبوویی ئەشکەرە کر کو هێزێن سووریەیا دەمۆکراتیک (هه‌سه‌د) و پارتیێن دن یێن گرێدایی وێ ب سەدان زارۆک ل هەرێمێن د بن کۆنترۆلا خوە دە ره‌ڤاندنه و ته‌ڤلی خوه كرنه.
ئانتۆنیۆ گوتەڕەس، د راپۆرا خوە یا ب سەرناڤێ «زارۆک و پەڤچوونێن چەکدار» دە کو د 3ێ هەزیرانا 2024ان دە هات وەشاندن دە گۆت کو هێزێن سووریەیا دەمۆکراتیک و پارتیێن گرێدایی وێ ل هەرێمێن کو د بن کۆنترۆلا وان دە نە، 462 زارۆک د سالا رابووی یا 2023ان ده ره‌ڤاندنه و لەشکەر کرنه.
دۆزێن رەڤاندنێ وها بوون:
هێزێن سووریەیا دەمۆکراتیک (هه‌سه‌د) 231 زارۆک.
یەکینەیێن پاراستنا گەل و ژنێ (یه‌په‌گێ – یه‌په‌ژێ) 203 زارۆک.
هێزێن ئەولەکاریا هوندرین/ ئاساییشا یەکیتیا دەمۆکراتیک (په‌یه‌دێ) 27 زارۆک.
پارتیێن دن یێن گرێدایی (هه‌سه‌دێ) زارۆکەک تەڤلی خوە کرن.
گوتەڕەس د راپۆرا خوە دە ئاماژە ب وێ یەکێ ژی کر، کو د داویا سالا 2023ان دە، ئەشکەرە بوو کو هێزێن سووریا دەمۆکراتیک (هه‌سه‌دێ) زێدەتری 800 زارۆکان، د ناڤ وان دە زارۆکێن بیانی، ل کامپێن هۆلێ و رۆژ یێن ل رۆژئاڤایێ کوردستانێ و ل باکورێ رۆژهلاتێ سووریێ گرتنە.
سەکرەتەرێ گشتییێ نەتەوێن یەکبوویی ئاماژە کر، هەتا نها نێزیکی 29 هەزار زارۆکێن کو پێوەندیا وان ب داعشێ رە هەیە، ل کامپێن هۆلێ و رۆژ یێن د بن کۆنترۆلا هێزێن سووریا دەمۆکراتیک دە نە.
ئانتۆنیۆ گوتەڕەس نیگەرانیا خوە دەربارێ تەجنیدکرن و بکارئانینا زارۆکان ل سەر دەستێن هه‌سه‌دێ و یه‌په‌گێ ئانی زمان و داخوازا جیبجیکرنا په‌یمانا 2019ان كر کو ژ ئالیێ مازلووم عەبدی و ڤێرجینا گامبا نوونه‌را نه‌ته‌وێن یه‌كبوویی ژ بۆی بداویکرن و نەهشتنا لەشکەرکرنا زارۆکێن د بن تەمەنێ 18 سالی دە هاتبوو ئیمزه كرن.
