وەزیرێ ناڤخوەیێ ترکیێ عه‌لی یەرلیکایا راگهاند، د شەرێ ئارتێشا ترکیەیێ و گەریلایێن په‌كه‌كێ دە 5 گەریلا ل چیایێ ئاگری و ئێلهێ هاتن کوشتن.
وەزیرێ ناڤخوەیێ ترکیەیێ عه‌لی یەرلکایا ئەشکەرە کر، د ئۆپەراسیۆنێن «بۆزدۆگان-43»یێن ل چیایێن ئاگری و ئێلهێ دە، 5 کەس هاتن کوشتن کو د ناڤا وان دە ژنەک هەیە.
یەرلکایا ل تۆرا جڤاکی «X» راگهاند، ل ناڤچەیا بازیدێ یا ئاگریێ و هەر وها ل گوندێ پالاموتێ یێ حەسکیفێ ئۆپەراسیۆن هات لدارخستن.
یەرلکایا بال کشاند کو فرۆکەیێن فەرمانداریا هێزێن ئاسیمانی، هەلیکۆپتەرێن ئێریشێ ئاتاک و ژ- سیهایان ژی پشتگری دان ئۆپەراسیۆنان.
یەرلکایا بال کشاند کو «د ئۆپەراسیۆنان دە، یلماز ئۆنەرێ ب کۆدناڤێ (شەهموس مالازگرت)، شاکر ئەردەمجیێ ب کۆدناڤێ (شەرڤان بۆتان)، هازرەت کاچارا ب کۆدناڤێ (ئەیلەم) و نورەتتن تەکن یێ کۆدناڤێ (نورهاق) و زەینەپ ئۆزکان یا ب کۆدناڤێ (ئاخین) هاتن كوشتن».
ئەڤ یەک د دەمەکێ دە یە، دوهی ل هەرێما ماوایێ یا ب سەر ناڤچەیا هەسکیفا ئێلهێ ڤە، ئۆپەراسیۆنا لەشکەری هاتبوو دەستپێکرن. هات زانین کو پشتی ئۆپەراسیۆنێ، ب شەڤ شەر دەرکەتیە.
