رێخستنا جوانێن شۆرەشگەر یا گرێدایی پارتیا کارکەرێن کوردستانێ ل باژارێ خەرانیجێ یێ گوندەوارێ دێرەزۆرێ زارۆکەکی تەمەن بچووک ب ئارمانجا تەڤلیکرنا ناڤا رەفێن پارتیێ دە رەڤاند.
ل گۆری تۆرا چاڤدێریا مافێن مرۆڤان یا سووریێ، رێخستنا جوانێن شۆرەشگەر د 22/4/2024 دە حماد عەبدول حوسێنێ 13 سالی کو ناڤێ دایکا وی سکۆت حەسەنە رەڤاندیە.
تۆرەیێ ھەروھا دیار کر کو “تەڤی ھەولدانێن مالباتا وی ژ بۆ لێگەرینا وی، ئەو ب سەر نەکەتن.”
تەڤی کو ھەسەدێ د خزیرانا 2019 دە لگەل نەتەوێن یەکگرتی پلانەک ژ بۆ بداویکرن و قەدەغەکرنا تەڤلیکرنا زارۆکان د ناڤا چەکداران دە ئیمزە کربوو. لێ ژ دەما کو پەیمان ھاتیە ئیمزەکرن ڤە، رەوشا رەڤاندنا زارۆکان بداوی نەبوویە.
مالباتێن زارۆکێن رەڤاندی ژی کریارێن تەڤگەرا جوانێن شۆرەشگەر شەرمەزار دکن و بانگ ل رێخستنێن کو گرینگیێ ددن مافێن زارۆکان، رێخستنێن ناڤدەولەتی و ئالیێن پێوەندیدار دکن کو فشارێ ل رێڤەبەریا خوەسەر و ھسدێ بکن تا کو چارەنڤیسا زارۆکێن وان دیار بکن.
