چەکدارێن ئۆپۆزیسیۆنا سوورییێ یێن لگەل ئارتێشا ترکیەیێ ھەرێما عەفرینێ داگیر کرنە، گولـلە ل 2 جوانێن کورد رەشاندن و د ئەنجامێ دە، جوانەکی جانێ خوە ژ دەست دا.
رێخستنا مافێن مرۆڤان ل عەفرینێ بەلاڤ کر، رۆژا 19 خزیرانێ چەکدارێن رێبەندا د ناڤبەرا گوندێ دەرگر و جۆقێ دە، گولـلە ل 2 جوانێن کورد (جەمال محەمەد گولین عەلی و محەمەد وەلید عەلیکۆ) رەشاندن و د ئەنجامێ دە، ھەر دو جوان ب گرانی بریندار بوون.
رێخستنا مافێن مرۆڤان دا زانین، جەمال محەمەد گولین عەلی و محەمەد وەلید عەلیکۆ دەما ژ کار ڤەدگەریان گوندێ خوە، ژ ئالیێ رێبەندا چەکداران ڤە ئێریش ل وان ھاتنە کرن.
دیار کر ژی، جەمال محەمەد گولین عەلی یێ 26 سالی دوھی 21 خزیرانێ ل نەخوەشخانەیێ و ژ بەر گرانیا برینێن خوە، جانێ خوە ژدەست دا.
جەمال محەمەد گولین عەلی یێ کو جانێ خوە ژدەست دایە، ژ گوندێ دارگرێ یێ ناڤچەیا مبەتلییە و بابێ 2 زارۆکانە.
ئاماژە ب وێ ژی کر، بریندارێ دن محەمەد وەلید عەلیکۆ یێ 22 سالی ھین ژی ل نەخوەشخانەیێ یە و رەوشا وی جیگر نەبوویە.
ژ دەما داگیرکرنا عەفرینێ ژ ئالیێ ئارتێشا ترکییێ و گرۆپێن چەکدارێن سەر ب وێ ڤە د ئادارا 2018 دە، گەلەک جاران کوردێن عەفرینێ ل سەر دەستێ گرۆپێن چەکداران راستی تاوانێن کوشتن، رەڤاندن و ئەشکەنجەکرنێ تێن.
