ئارتێشا تركیێ ب ئێریشا ئاسمانی 4 چه‌كدارێن دن یێن په‌كه‌كێ ل قه‌ندیلێ كوشتن، ل 18 هه‌زیرانێ ژی 3 چه‌كدار ل هه‌رێما «پەنجە-کلید»ێ ل ناڤ سینۆرێ باشوورێ كوردستانێ كوشتبوون.
ئیرۆ رۆژا شه‌می 22\6\2024ێ هات راگهاندن كو ئارتێشا تركیێ ئۆپه‌راسیۆنه‌كه ئاسمانی ل قه‌ندیلێ ئه‌نجام داییه و 4 چه‌كدارێن په‌كه‌كێ هه‌ده‌ف كرنه.
ئارتێشا تركیێ رۆژا 18 هه‌زیرانێ ژی ئێریشه‌كه ئاسمانی ل هه‌رێما «پەنجە-کلید» پێكئانی بوو و تێ ده 3 چه‌كدارێن رێخستنێ كوشتبوون.
ئارتێشا ترکیێ رۆژا 17ێ نیسانا 2022ان د ناڤ ئاخا باشوورێ کوردستانێ دە ب هنجەتا هەبوونا بنکە و بارەگەهێن چه‌كدارێن په‌كه‌كێ دەست ب ئۆپەراسیۆنا ب ناڤێ «پەنجە-کلید» کر و ئۆپەراسیۆن هەتا نها بەردەوامە. ئۆپەراسیۆنا «پەنجە-کلید» ناڤچەیێن مەتینا، زاپ و ئاڤاشین-باسیانێ یێن ل سینۆرێ ناڤچەیا ئامێدیێ ل خوە دگرە.
