رێخستنا په‌كه‌كێ فه‌رمانداره‌كی دن یێ گرنگ وه‌ندا كر پشتی كو د په‌ڤچوونه‌كێ ده ل گه‌ل ئارتێشا تركیێ ل هه‌رێما سه‌رحه‌دێ یا باكورێ كوردستانێ هاتیه كوشتن.
هه‌په‌گێ باسكێ له‌شكه‌ری یێ په‌كه‌كێ دوهـ رۆژا ئینی 21/6/2024ێ ناسنامه‌یا فه‌رمانداره‌كی خوه یێ ب ناڤێ یلماز حاجی ئه‌حمه‌د ب ناڤێ كۆد شێخمووس میلازگر د ئاشكه‌ره كر كو ل 18 هه‌زیرانێ د په‌ڤچوونه‌كه ل گه‌ل ئارتێشا تركیێ ده هاتیه كوشتن.
هه‌په‌گێ ده‌ستنیشان كر، یلماز حاجی ئه‌حمه‌د فه‌رماندار و ئه‌ندامێ فه‌رماندارێتییا ئه‌یاله‌تا سه‌رحه‌دێ بوو، ئه‌و ل 18 هه‌زیرانێ ل چیایێ ئاگریێ هات كوشتن.
فه‌رماندارێ هه‌په‌گێ یلماز حاجی ئه‌حمه‌د ل سالا 1992ێ ته‌ڤلی په‌كه‌كێ بوو، د 30 سالێن ته‌مه‌نا خوه یێ ناڤا رێخستنێ گه‌له‌ك ئه‌رك ل باشوور و باكورێ كوردستانێ وه‌رگرتنه، هه‌ری داوی ئه‌ندامێ فه‌رماندارێتییا ئه‌یاله‌تا سه‌رحه‌دێ بوو.
