راپۆره‌كا چاپەمەنیا ترکیێ ئیرۆ یەکشەمێ پشتراست کر کو سەبرا ئەنقەرێ دەربارێ بارێن درۆن و مووشەکان یێن كو ژ ئالیێ پارتیا کارکەرێن کوردستانێ (په‌كه‌كێ) ڤە تێن وەرگرتن نەمایە، بال ژی کشاند سەر رۆلا فرۆکەخانەیا سلێمانیێ د گهاندنا وان باران ده بۆ پککێ و تەکەز کر، ترکیه د ڤی واری دە ئێدی بێده‌نگ نامینه و گەر سەوقیاتێن نوو بێن دیتن، دێ یەکسەر ببن هەدەف.
فرۆكخانه بوویە بنگەهەکی لۆژیستیکی بۆ پارتیا کارکەران
راپۆرا رۆژنامەیا ترکی یەنی شه‌فه‌ق کو نێزیکی پارتیا داد و گەشەپێدانێ یە و «باسنیۆزێ» ژی وەرگەراندیە، رادگهینە کو په‌كه‌كه ڤێ داویێ ب رێیا فرۆکەخانەیا سلێمانیێ سیستەما بەرەڤانیا ئەسمانی و فرۆکەیێن بێ فرۆکەڤان بدەست خستیە و ئەندامێن پارتیێ ژی د ڤێ دەربارێ دە پەروەردە دیتنە. د راپۆرێ دە هاتیە گۆتن: «بریارەکە ببریار دەربارێ فرۆکەخانەیا سلێمانیێ هاتیە ستاندن، ئه‌و فرۆكخانه بوویە بنگەهەکی لۆژیستیکی بۆ پارتیا کارکەرێن کوردستانێ» و تەکەزی ل سەر وێ یەکێ هاتیە کرن، کو ئەگەر ترکیە سه‌وقیاته‌كه نوو ببینە، دێ بکەڤە تەڤگەرێ.
رۆژنامەیێ وها گۆت: «هێزێن ئەولەکاریێ هەموو بارێن کو د رییا فرۆكخانه‌یا سلێمانیێ ره ژ په‌كه‌كێ رە هاتنە شاندن، پشتی کو هاتە پشتراستکرن بەلگە کرنه و تەکەز کر کوترکیە دێ ل هەمبەر ڤان بارێن کو ژ تەرۆریستان رە هاتنە شاندن، بێ دەنگ نەمینە و فەرمان هات دایین کو هەر سەوقیاتا کو ئێدی ژ بۆی پارتیا کارکەرێن کوردستانێ په‌كه‌كێ/یه‌په‌گێ وه‌ره شاندن، بکە هەدەف».
مەدیایا ترکیێ ل سەر زارێ بەردەڤکێ وەزارەتا دەرڤە یا ترکیێ بەلاڤ کربوو، کو قوباد تالەبانی مەها نیسانا ئیسال سەردانا ترکیێ کربوو و ل گەل وەزارەتا دەرڤە یا ترکیێ جڤیابوو.
یه‌نه‌كێ و سەرکردایەتیا وێ ئەو سۆزێن کو د ڤێ دەربارێ دە دابوون ترکیێ جیبجی نەکرنه
ترکیێ دلگرانیا خوە دەربارێ پێوەندیێن یەکیتیا نشتمانیا کوردستانێ ل گەل پارتیا کارکەرێن کوردستانێ و بکارئانینا فرۆکەخانەیا سلێمانیێ ژ ئالیێ په‌كه‌كێ ڤە ژ وی رە راگهاند، لێ یەکیتیا نشتمانیا کوردستانێ و سەرکردایەتیا وێ ئەو سۆزێن کو د ڤێ دەربارێ دە دابوون ترکیێ جیبجی نەکر.
ژ بۆ نەهیشتنا ئەنجامێن دەستوەردانێن پارتیا کارکەرێن کوردستانێ (په‌كه‌كێ) ل سلێمانیێ، ترکیێ قەدەغەیا گەشتێن ئەسمانی یێن بۆ فرۆکەخانەیا سلێمانیێ ژ بۆ شەش مەهێن دن (هەتا 7/12/2024ێ) درێژ کر.
