کۆلبەرەکی جوانێ خەلکێ باژارێ مەریوانێ یێ ب ناڤێ «ئەرکان بالواسە» د بلنداهیا چیایێ تەتە یێ سەولاڤایێ دە ب گوللـەیێن راستەراست بێن هێزێن لەشکەری یێن ئیرانێ هاتە کوشتن و کۆلبەرەکی دن ژی یێ ب ناڤێ «دانا» بریندار بوو.
سازیا مافێ مرۆڤی یا هەنگاوێ دیار كر، ئێڤارەیا رۆژا پێنجشەمی 20ێ هەزیرانا 2024ان، ئەرکان بالواسەیێ تەمەن 29 سالی و خەلکێ گوندێ جەلیلە یێ گرێدایی باژارێ مەریوانێ ب گوللـەیێن راستەراست یێن هێزێن سینۆری ل بلنداهیا چیایێ تەتە یێ سەر ب باژارێ سەولاڤایێ ڤه هاتە کوشتن.
چاڤکانیێن ئاگەهدار ئاشكه‌ره كرن، ئەرکان بالواسە تەڤی وێ کو چ کەلووپەلەک قاچاخ پێ رە نەبوونە هاتیە گوللـەبارانکرن.
تەرمێ ڤی کۆلبەرێ جوان پشتی ڤەگوهاستن بۆ نەخوەشخانەیا مەریوانێ، رۆژا ئینێ 21ێ هەزیرانا 2024ان ل گوندێ وی ب ئاخێ هاتە سپارتن.
هەروها کۆلبەرکی دن یێ ب ناڤێ دانا یێ خەلکێ گوندێ گلیە یێ گرێدایی مەریوانێ ب گوللـەیێن راستەراستێن ڤان هێزان هاتە بریندارکرن.
