وەزیرێ کارێن ناڤخوە یێ ترکەییێ عەلی یەرلیککایا داخویاند کو د ئۆپەراسیۆنا بۆزدۆگان-45ێ یا ل بەژاھیا باتمانێ دا 2 سەرکردەیێن پەکەکێ کو یەک ژێ د لیستەیا سۆر یا لێگەرینێ دایە ھاتن کوشتن.
یەرلیککایا دا زانین کو ل گوندێ گارجوشێ د ئەنجاما خەباتێن ئیستیخباراتێ یێن سەرفەرمانداریا گشتی یا جەندرمەیێن ئێلھێ، رێڤەبەریا ئیستیخباراتا فەرمانداریا گشتی یا جەندەرمەیان، فەرمانداریا ھێزێن ئەولەکاریا جەندرمەیان و رێڤەبەریا شاخا تێکۆشینا ل دژی تەرۆرێ دە ئۆپەراسیۆنەک ھات لدارخستن و د ئەنجاما ڤێ ئۆپەراسیۆنێ دە 2 بەرپرسێن پەکەکێ کو یەک ژ وان د لیستەیا سۆر یا لێگەرینێ دە بوو هاتن کوشتن.
د ڤێ ئۆپەراسیۆنا لەشکەرێ ترکیەیێ دە سۆلتان داغ کو کۆدناڤێ وێ بەریتان ئامارایە لگەل زەینەب نیبات کو کۆدناڤێ وێ زەینەب جوودی یە هاتن کوشتن، ل گۆر داخویانیا وەزیرێ ناڤخوە یێ ترکیێ، ئەڤ بەرپرسێن پەکەکێ بەشدار بوونە د 9 ئێریشێن ل سەر هێزێن ئەولەکاریا ترکیێ و د ڤان ئێریشان دە 6 کارمەندێن ئەولەهیێ یێن ترکیێ هاتنە کوشتن و 19 ژی بریندار بوونە.
