د سێ رۆژێن رابووری ده‌ ب سه‌ده‌ما لڤ و ته‌ڤگه‌را چەکدارێن په‌كه‌كێ ل نێزی گوندێن دەردۆرا ئامێدیێ ل باشوورێ کوردستانێ، ئارتێشا تركیێ ب ئێریشێن ئاسمانی و به‌ژاهی 6 گوند و ناڤچه‌یێن دیار یێن دهۆكێ بۆردۆمان كرنه‌.

ل گۆری ئامارا سێ رۆژێن رابووری یا لڤ و ته‌ڤگه‌را چەکدارێن په‌كه‌كێ و ئێریشێن تركیێ، ل رۆژێن 20-23 خزیرانا 2024ێ، ئارتێشا تركیێ 6 گوند و ناڤچەیێن سینۆرێ ئامێدیێ ب سەدەما هەبوونا چەکدارێن پەکەکێ بۆمبەباران کرنە و زراره‌ك مه‌زن ب ئاقار و زه‌ڤه‌یێن چاندنیێ خستیه‌.

ئێریش ووسا بوون:

20/6/2024

ل دەمژمێر 10:25ێ سپێدێ فرۆکەیێن لەشکەرێ ترکیێ چیایێ هنداڤی گوندێ دێرەشێ یێ دەڤەرا بەرێ گارێ بۆمبەباران کریە.

22/6/2024

ل دەمژمێر 8:10ێ شەڤێ فرۆکەیێن لەشکەرێ ترکیێ تونەلا هنداڤی گوندێ گوهەرزێ یێ سەر ب ناحیا دێرالۆک یێ دەڤەرا نهێلێ ب مووشەکەکێ بۆمبەباران کر، د هەمان دەم دە فرۆکەیێن ترکیێ مووشەکەک ل گوندێ دەرگەلا موسابەگێ یێ دەڤەرا بەرواری بالا خست.

23/6/2024

ل دەمژمێر 5:20 ئێڤارێ فرۆکەیێن لەشکەرێ ترکیێ دو مۆشەک ل کوتەلا ئاشێ گەلیێ گوندێ دەرگەلا موسابەگێ خستن و هەر وەها ل دەمژمێر 7:25ێ هەیانی 7:30 بۆ دەما پێنج خۆلەکان ل پەی هەڤ لەشکەرێ ترکیێ ب مووشەکان ل گەلیێ بێشیلێ یێ دەڤەرا بەرواری بالا خستیە.

ل دەمژمێر 7:21ێ مەغرەب فرۆکەیێن لەشکەرێ ترکیێ چیایێ زەنگل یێ ل هنداڤی گوندێن دێرەش و رەزیکێ یێن دەڤەرا بەرێ گارێ بۆمبەباران کریە.

ل دەمژمێر 7:25ێ مەغرەب فرۆکەیێن شەر یێن ترکیێ تونەلا پەکەکێ یا دکەڤە هنداڤی گوندێ گوهەرزێ یێ سەر ب ناحیا دێرالۆک بۆمبەباران کریە.

ل دەمژمێر 10:30 شەڤێ فرۆکەیێن لەشکەرێ ترکیێ چیایێ خێرێ ل هنداڤی گوندێ گرێ ناحیا چەمانکێ بۆمبەباران کریە.

ژ ده‌ستپێكا مه‌ها گولانێ ڤه‌ ده‌وله‌تا ترك ئێریشێن ئاسمانی ل دژی په‌كه‌كێ ل باشوورێ كوردستانێ تایبه‌ت ل سینۆرێ پارێزگه‌ها دهۆكێ دژوار كرنه‌، په‌كه‌كێ وه‌نداهیێن مه‌زن دا نه‌، ئه‌ڤ یێك ل ده‌مه‌كی تێ کو نێزیكبوونا شه‌ر و په‌ڤچوونان بۆ سینۆرێ گوندێن پارێزگه‌ها دهۆكێ نیگه‌رانیه‌ك مه‌زن ل جه‌م شێنیێن گوندان چێكریه‌ و په‌كه‌كه‌ ڤێ یه‌كێ ب زانه‌بوون دكه‌ و دخوازه‌ ئه‌و گوند و هه‌رێمێن دهۆكێ ژ شێنییان وه‌رن ڤالا كرن.