نوونەرتیا گشتی یا ئەولەهیێ یا ترکیەیێ ژ بۆ دەرکەتنا دەرڤە مەرج دانی سەر پاسپۆرتێن نەهـ هەڤشارەدارێن پارتیا وەکهەڤی و دەمۆکراتیا گەلان (دەم پارتی).
جهگرێ هەڤسەرۆکێ گشتییێ دەم پارتیێ مەهمەت روشتوو تریاکی ل پارلەمەنتۆیا ترکیەیێ د کۆنفەرانسەکا چاپەمەنیێ دە ئەشکەرە کر کو نوونەرتیا گشتی یا ئەولەهیێ یا ترکیەیێ بێ بریارا دادگەهێ مەرج دانیە سەر پاسپۆرتێن 9 هەڤشارەدارێن وان.
ل گۆر داخویانیا تریاکی، هەڤشارەدارێن مەرج ژ بۆ پاساپۆرتێن وان هاتنە دانین ئەڤن؛
هەڤشارەدارا شارەداریا باژارێ مەزنا دیاربەکرێ سەڕا بوجاک، هەڤشارەدارێ پیرانا ناڤچەیا دیاربەکرێ هاجی ئاکەنگن، هەڤشارەدارا پەیاسا ناڤچەیا دیاربەکرێ بێریڤان گولشەن سنجار، هەڤشارەدارێ ئەرخانیا ناڤچەیا دیاربەکرێ شیار گولدکەن، هەڤشارەدارێ رەزانا ناڤچەیا دیاربەکرێ سراچ چەلک، هەڤشارەدارا چنارێ یا ناڤچەیا دیاربەکرێ سەمرا ئاکیوز، هەڤشارەدارا فارقینا ناڤچەیا دیاربەکرێ سەڤم بچج، هەڤشارەدارێ ئارتوکلویا ناڤچەیا مێردینێ مەهمەت ئال ئاماک و هەڤشارەدارێ ئاکدەنیزا ناڤچەیا مێرسینێ هۆشیار ساریلدزە.
