ئیستخباراتا نەتەوی یا تركیێ میتێ ئه‌ندامه‌كێ كۆمیته‌یا ناڤه‌ندی یا رێخستنا په‌كه‌كێ ب ناڤێ عه‌لی دینچه‌ر ل قامشلۆ یا رۆژئاڤا كوردستانێ ب ئۆپه‌راسیۆنه‌كێ كوشت.
ئاژانسا ئه‌نادۆلو یا ده‌وله‌تا ترك ئیرۆ رۆژا چارشه‌می 26\6\2024ێ به‌لاڤ كر كو د ئۆپه‌راسیۆنه‌كه میتێ ده كو ل قامشلۆ یا رۆژئاڤا كوردستانێ هاتیه ئه‌نجام دایین، كه‌سه‌كی گرینگ یێ رێخستنا په‌كه‌كێ ب ناڤێ عه‌لی دینچه‌ر یێ کو ئینتەرپۆلێ ب بولتەنا سۆر لێ دگەریا، هات كوشتن.
عه‌لی دینچه‌ر ئه‌ندامێ كۆنسه‌یا په‌كه‌كێ\هه‌په‌گێ باسكێ له‌شكه‌ری یێ رێخستنێ یه و به‌رپرسێ هه‌رێما جزیرێ یه و ب ناڤێ كۆد ئۆرهان بینگۆل دهات ناس كرن.
ئه‌نادۆلویێ گۆتیه كو كادرۆیێ په‌كه‌كێ دینچەر د 1991ێ دا تەڤلی رێخستنێ بوویە و د گەلەک چالاکیێن خویناوی یێن رێخستنێ ده جهـ گرتیە.
د ناڤبەرا سالێن 1992-1999ان دا بوویە بەرپرسیارێ چۆلوارێن ئەرزورومێ – تونجەلیێ، د ناڤا ڤان سالان دا ل دۆلا بیقاعێ یا کو دکەڤە رۆژهلاتێ لوبنانێ، ژ عه‌بدوللا ئۆجالانێ رێبه‌رێ په‌كه‌كێ پەروەردە دیتیە.
