د دو رۆژێن رابووری ده‌ ب سه‌ده‌ما لڤ و ته‌ڤگه‌رێن په‌كه‌كێ، ئارتێشا تركیێ ب ئێریشێن ئاسمانی 11 گوند و ناڤچه‌یێن دیار یێن دهۆكێ بۆردۆمان كرنه‌.

ل گۆری ئامارا دو رۆژێن رابووری یا لڤ و ته‌ڤگه‌رێن په‌كه‌كێ و ئێریشێن تركیێ، ل رۆژێن 24 و 25 خزیرانا 2024ێ، ئارتێشا ترکیێ ب رێیا بالافرێن خوە یێن شەر 11 گوندێن سەر ب پارێزگەها دوهۆکێ ڤە بۆمبەباران کرنە و ب ڤێ سەدەمێ زرارەک مەزن ب رەز و باخ و سرووشتێ ڤێ دەڤەرێ گهشتیە.

ئێریش ووسا بوون:

ل 24/6/2024

دەمژمێر 7:45 هەیانی 7:54 مەغرەب فرۆکەیێن لەشکرێ ترکیێ ب دو مووشەکان گەلیێ بازێ و گەلیێ گیلکا یێن دەڤەرا بەرواری بالا بۆمبەباران کرنە.

دەمژمێر 9:5 هەیانی 9:15 شەڤێ فرۆکەیێن لەشکەرێ ترکیێ هنداڤی گوندێ دەرگەلا موسابەگ و بێشیلێ یێن دەڤەرا بەرواری بالا ب چەکێ دوشکە ئارمانج کرنە.

25/6/2024

دەمژمێر 4:35 هەیانی 4:40 ئێڤارێ فرۆکەیێن لەشکەرێ ترکیێ گەلیێ بازێ بۆمبەباران کریە، هەر وەها دەمژمێر 8:10 هەیانی 8:15 شەڤێ گەلیێ کانی رەشێ و گەلیێ هەسپا یێن دەڤەرا بەرواری بالا بۆمبەباران کرنە.

دەمژمێر 7:30 هەیانی 8:00 شەڤێ فرۆکەیێن لەشکەرێ ترکیێ سەرێ چیایێ خێرێ ل هنداڤی بێرکیات ئاقارێ گەندێ ئاتوش و بێرکیات یێن سەر ب ناحیا چەمانکێ ب 3 مووشەکان بۆمبەباران کرنە.

دەمژمێر 8:15 شەڤێ فرۆکەیێن لەشکەرێ ترکیێ گەلیێ دێرا و گەلیێ دەرگەلا موسابەگێ یێن سەر ب ناحیا کانیماسێ یێن دەڤەرا بەرواری بالا ب دو مووشەکان بۆمبەباران کرنە.

دەمژمێر 9:30 فرۆکەیێن لەشکەرێ ترکیێ پشتا بەنداڤا گوندێ سەرگەلێ یێ سەر ب ناحیا دێرالۆک یێ دەڤەرا نهێلێ ب یەک مووشەک بۆمبەباران کریە.