10 چه‌كدارێن په‌كه‌كێ ل ناڤچه‌یێن سینۆری یێن باشووری و رۆژئاڤا كوردستانێ كه‌تن به‌ر ئێریشێن ده‌وله‌تا ترك و هاتن كوشتن، 6 ژێ ل هه‌رێما كوردستانێ بوون.
وه‌زاره‌تا پاراستنا نه‌ته‌وی یا تركیێ ئیرۆ رۆژا شه‌می 29/6/2024ێ راگهاند، د چارچووڤه‌یا ئۆپه‌راسیۆنێن ئارتێشا تركیێ ده ل هه‌رێما ئۆپه‌راسیۆنا په‌نجه-كلیتێ كو دكه‌ڤه ناڤ سینۆرێن هه‌رێما كوردستانێ ئێریش ل دژی چه‌كدارێن په‌كه‌كێ هاتن ئه‌نجام دایین، 6 چه‌كدار كه‌تنه به‌ر ئێریشان و هاتنه كوشتن.
وه‌زاره‌تا پاراستنا نه‌ته‌وی هه‌ر وها ئاشكه‌ره كر، هه‌ر ئیرۆ ل هه‌رێمێن باكور و رۆژهلاتا سووریێ ژی 4 چه‌كدارێن په‌كه‌كێ/یه‌په‌گێ ب ئێریشێن ئارتێشا تركیێ هاتنه كوشتن.
ئارتێشا ترکیێ رۆژا 17ێ نیسانا 2022ان د ناڤ ئاخا باشوورێ کوردستانێ دە ب هنجەتا هەبوونا بنکە و بارەگەهێن چه‌كدارێن په‌كه‌كێ دەست ب ئۆپەراسیۆنا ب ناڤێ «پەنجە-کلید» کر و ئۆپەراسیۆن هەتا نها بەردەوامە. ئۆپەراسیۆنا «پەنجە-کلید» ناڤچەیێن مەتینا، زاپ و ئاڤاشین-باسیانێ یێن ل سینۆرێ ناڤچەیا ئامێدیێ ل خوە دگرە.
