رەڤاندنا زارۆکان ژ ئالیێ چەکدارێن سەر ب پەکەکێ ڤە ل هەر چار پەرچەیێن کوردستانێ بەردەوام دکە، هەری داوی ژی چەکدارێن پەکەکێ ل باژارۆکێ سنوونێ کەچەکا 15 سالی یا ب ئەسلێ خوە عەرەب رەڤاند، ئەڤ ژی بۆ سەدەم پسگرێک د نێڤبەرا پەکەکێ و مالباتا ڤێ کەچا بچووک دە دەرکەڤە.
چاڤکانێن تایبەت یێن پێگەها دارکا مازی ئەشکەرە کرن، چەکدارێن پەکەکێ کەچەکا عەرەب یا ب ناڤێ نجوود فەرەج وەسمی کو ژ هۆزا شەرابییە و تەمەنێ وێ 15 سالن د 28/5/2024 دە رەڤاندیە.
چاڤکانییێن دارکا مازی ئەشکەرە کرن، نجوود فەرەجا 15 سالی ژ شێنیێن گوندێ بێرجاری یێ سەر ب باژارۆکێ سنوونێ یە و پشتی رەڤاندنا ڤێ کەچێ، مالاباتا کەچکێ ل دژی ئەنجوومەنا گەل یا گوندێ بێرجاری خوەپێشاندانەک لدار خستیە و گەف ل ئەنجوومەنێ خوارنە کو گەر کەچا وان ڤەنەگەرینن دێ بارەگەهێ وان بشەوتینن.
هەر وەها تەکەز کرن، حەمید ئەحمەد شەرقی موختارێ گوندێ بێرجاری دەربارا ڤێ مژارێ دە پێوەندی ب ئاساییشا نیشتیمانی یا ئیراقێ کریە، لێ بەلێ، ئاساییشا نیشتیمانی ژ وان رە راگهاندیە گەر کەچا وان ب کێفا دلێ خوە تەڤلی رەفێن پەکەکێ بووبە، ئەوێ نکاربن ت کارەکی ژ بۆی ڤەگەراندنا وێ بکن.
