د 4 رۆژان دا ترکیێ 15 گوند و ده‌ڤه‌رێن دهۆکێ بۆمبەباران کرنە
د 4 رۆژێن رابووری دا ب سه‌ده‌ما لڤ و ته‌ڤگه‌رێن په‌كه‌كێ، ئارتێشا تركیێ ب ئێریشێن ئاسمانی 15 گوند و ده‌ڤه‌رێن دیار یێن دهۆكێ بۆردۆمان كرنه، زراره‌ك مه‌زن ب ئاقارێ وان گوندان كه‌تیه.
ل گۆری ئامارا 4 رۆژێن رابووری یا لڤ و ته‌ڤگه‌رێن په‌كه‌كێ و ئێریشێن تركیێ، ل رۆژێن 26، 27، 28 و 29ێ خزیرانا 2024ێ، ئارتێشا ترکیێ ب رێیا بالافرێن خوە یێن شەر 15 گوندێن سەر ب پارێزگەها دهۆکێ ڤە بۆمبەباران کرنە و ب ڤێ سەدەمێ زرارەک مەزن ب رەز و باخ و خوه‌زایا دەڤەرێ گهشتیە.
گوند و ده‌ڤه‌رێن دهۆكێ یێن كو ژ 26 خزیرانێ ڤه ب سه‌ده‌ما په‌كه‌كێ راستی بۆمبه‌بارانێ هاتین:
چیایێ مه‌تینا.
چیایێ گابنێركی.
پشتا گوندێ پاسێ.
گەلیێ ھەسپا.
گەليێ بازێ.
گەليێ بێشیلێ.
دەرگەلا مووسا بەگێ.
گوندێ خانکێ.
شەکەفتا بابەکرا.
گويلکا.
ئاقاری گوندێ گيزێ.
هێلينا قەلێ، ل هنداڤی گوندی شکەفتێ.
هنداڤی گوندێ گوھەرزێ.
تۆنێلا په‌كه‌كێ ل پشتا پرۆژێ خودانکرنا پەزی ل سەرگەلێ.
نێزیکی دێرا مەسیحيان ل تاخێ سەردەشتی یێ ناحيا دێرەلۆکێ.
ئێریش ووسا بوون:
ل 26/6/2024ێ:
دەمژمێر 10:45 تا 11:00 سپێدێ تۆپخانه‌یا ئارتێشا تركیێ ل چیایێ گابنێرکی دەڤەرا بەرواری بالا 6 گوللـه‌تۆپ ل چیایێ مەتينا دانە.
دەمژمێر 11:50 سپێدئ بالافرێن ئارتێشا تركیێ یه‌ك مووشەک ل پشتا گوندێ پاسێ – ده‌ڤه‌را دۆسکیيا دانه.
دەمژمێر 8:10 شەڤێ بالافرێن ئارتێشا تركیێ دوو مووشەک ل گەلیێ ھەسپا و گەليێ بازێ ل ده‌ڤه‌را بەرواری بالا دانە.
دەمژمێر 9:45 تا 10:30 شه‌ڤی بالافرێن ھەليکۆپتەر یێن ئارتێشا تركیێ ب چەکێ دۆشکە رەمی ل گەلیێ بازێ ل ده‌ڤه‌را بەرواری بالا کریه و هەروەها 8 مووشەک ل وی جهی دانە و پشتی وێ ب ده‌مه‌كێ شەر د ناڤبەرا په‌كه‌كێ و ئارتێشا تركیێ ده ل گەليێ بازی ده‌ركه‌تییه.
ل 27/6/2024ێ:
دەمژمێر 3:00 تا 3:30 پشتی نیڤرۆ تۆپخانه‌یا ئارتێشا تركیێ گەليێ بێشیلێ و دەرگەلا مووسا بەگێ ل ده‌ڤه‌را بەرواری بالا تۆپبارانکرینە.
دەمژمێر 4:00 ئێڤاری چە‌کدارێن په‌كه‌كێ د ناڤ خانیێن ڤالا یێن گوندێ دەرگەلا مووسا بەگێ ب چەکی BKC و RBG و کلاشينکۆفێ تەقە ل خالا ئارتێشا تركیێ ئه‌وا ل هنداڤ گوندێ خانکێ كریه و ئارتێشا تركیێ بەرسڤا وان دایە و گوندێ دەرگەلێ بۆردۆمانکريه و چەکدار ژ ناڤ گوندی ره‌ڤینه.
دەمژمێر 7:00 مەغرەب بالافرێن ئارتێشا تركیێ گەليێ دەرگەلا مووسا بەگێ بۆردۆمانکريە، بۆ زانين ئه‌ڤ گوند ژ هێلا خەلکێ وێ ڤه هاتيه چۆل کرن.
دەمژمێر 7:15 تا 7:20 مەغرەب بالافرێن ئارتێشا تركیێ شەکەفتا بابەکرا، دەرگەلا مووسا بەگێ و گويلکا ل ناحيا کانی ماسێ یا ده‌ڤه‌را بەرواری بالا بۆردۆمانکريە و سێ مووشەک لێدانە.
دەمژمێر 7:35 مەغرەب بالافرێن ئارتێشا تركیێ ئاقاری گوندێ گيزێ – ده‌ڤه‌را بە‌رێ گارەی بۆردۆمانکريه.
ل 28/6/2024ێ:
ده‌مژمێر 10:00 سپێدی بالافرێن ئارتێشا تركیێ هێلينا قەلێ ل هنداڤ گوندی شکەفتێ – ناحیا چه‌مانكێ ل ده‌ڤه‌را گارەی بۆردۆمانکريە و ئاگر بە‌ربوويە ئاقارێ گوندێ ديارکری.
دەمژمێر 5:50 ئێڤاری بالافرێن تركیێ تۆنێلا دکەڤیتە هنداڤی گوندێ گوھەرزێ ل ناحيا دێرەلۆکێ ده‌ڤه‌را نهـێليا بۆردۆمانکريه و ئێک مووشەک لێدایە.
ل 29/6/2024ێ:
دەمژمێر 4:30 ئێڤاری بالافرێن ئارتێشا تركیێ تۆنێلا هنداڤی گوھەرزێ، پشتا بەنداڤا سەرگەلێ و تۆنێلا په‌كه‌كێ ل پشتا پرۆژێ خودانکرنا پەزی ل سەرگەلێ، بۆردۆمانکرینە و ئاگر بەربوویە ئاقارێ گوندێ ديارکری.
دەمژمێر 6:38 دووبارە تۆنێلا په‌كه‌كێ ئه‌وا دكه‌ڤیته پشتا پرۆژێ خودانكرنا په‌زی ل سه‌رگه‌لێ بۆردۆمانکریه.
دەمژمێر 6:00 ئێڤاری تۆپەک ب نێزیکی دێرا مەسیحيان ل تاخێ سەردەشت یێ ناحيا دێرەلۆکێ کەفتيە.
دەمژمێر 11:18 تا 11:45 شه‌ڤێ دو تۆپ ب نێزیک ناحيا دێرەلۆکێ كه‌تنه و ل هه‌مان دەمێ بالافرێن تركیێ تۆنێلا كو دكه‌ڤیته هنداڤی گوندێ گوھەرزێ و پشتا گەليێ سەرگەلێ ل ده‌ڤه‌را نهێليا بۆردۆمانکريە.
ژ ده‌ستپێكا مه‌ها گولانێ ڤه ده‌وله‌تا ترك ئێریشێن ئاسمانی ل دژی په‌كه‌كێ ل باشوورێ كوردستانێ تایبه‌ت ل سینۆرێ پارێزگه‌ها دهۆكێ دژوار كرنه، په‌كه‌كێ وه‌نداهیێن مه‌زن دا نه، ئه‌ڤ یێك ل ده‌مه‌كی تێ کو نێزیكبوونا شه‌ر و په‌ڤچوونان بۆ سینۆرێ گوندێن پارێزگه‌ها دهۆكێ نیگه‌رانیه‌ك مه‌زن ل جه‌م شێنیێن گوندان چێكریه و په‌كه‌كه ڤێ یه‌كێ ب زانه‌بوون دكه و دخوازه ئه‌و گوند و هه‌رێمێن دهۆكێ ژ شێنییان وه‌رن ڤالا كرن.
