درۆنه‌كه تركیێ ئۆتۆمۆبیله‌ك ل سلێمانیێ كره ئارمانج و د ئه‌نجامێ ده دو كه‌س بریندار بوون كو ئه‌ندامێن ته‌ڤگه‌را ئازادی یا سه‌ر ب په‌كه‌كێ ڤه نه.
ئیرۆ رۆژا سێشه‌می 2\7\2024ێ ئۆتۆمۆبیلەک ل تاخا راپەرین یا سلێمانیێ تەقیا و ل گۆر چاپەمەنیا سەر ب لاهور جەنگی ڤه ژی ئەو ئۆتۆمۆبیل بوویە ئارمانجا درۆنەکە ترکیێ.
ڤێ دەربارێ دە چاپەمەنیا سەر ب لاهور جەنگی راگەهاند: درۆنا ترکیێ ل سلێمانیێ ئۆتۆمۆبیلەک کریە ئارمانج.
هات راگەهاندن بوویەر ل تاخا راپەرین یا سلێمانیێ پێکهاتیە و ژ بەر ئۆتۆمۆبیل ژ ئالیێ درۆنەکە ترکیێ ڤە بوویە ئارمانجا ئێریشێ: 2 کەسێن د ئۆتۆمۆبیلێ دە ب گرانی بریندار بوونە کو ناسنامەیا وان ئاشکەرا بوویە و ئەندامێن تەڤگەرا ئازادینە.
ل گۆر نووچەیا پێگەها لاهور جەنگی هات راگەهاندن: پشتی ئاشکەرابوون و گرتنا تیمەکە هەڤبەشا په‌كه‌كێ و دژەتەرۆرا سلێمانی و هێزێن یەکینەیێن 70 یێن سەر ب یه‌نه‌كێ ژ ئالیێ حکوومەتا ئیراقێ ڤە، ترکیە زێدەتر دەستڤەکری دبە ژ بۆ لێدانان ل ناڤچەیێن سلێمانی و کەرکووکێ.
