د ناڤا وان دە زارۆک و ژن… ب دەهان کەس د ئێریشا چەتەیێن پەکەکێ یا ل سەر خوەپێشاندەران دە بریندار بوون
ل باژارێ قامشلۆیێ یێ رۆژئاڤایێ کوردستانێ چەتەیێن ب ناڤێ “جوانێن شۆرەشگەر” ئێرشی خوەپێشاندانا ئەنەکەسێ کرن و ب ڤێ سەدەمێ ب دەهان کەس ب گرانی بریندار بوون.
دوهی رۆژا دوشەمێ، 1ی تیرمەها 2024ان، ئەنجومەنا نشتمانی یا کورد یا سووریەیێ (ئەنەکەسێ) ل بەر ئاڤاھیا نەتەوەوەیێن یەکبوویی یا قامشلۆیێ خوەپێشاندانەک ل دار خست، لێ بەلێ چەتەیێن پەکەکێ ب روویێن گرتی ڤە ئێریشێ خوەپێشاندانێ کرن و د ئەنجاما ئێریشێ دە، سەرۆکێ ئەنەکەسێ سلێمان ئۆسۆ، بەردەڤکێ ئەنەکەسێ فەیسەل یووسف، سەرۆکێ پەدەکەسێ محەمەد ئیسماعیل و سەرکردەیێن ئەنەکەسێ عەبدولسەمەد خەلەف برۆ و نیمعەت داوود ھاتن دەستەسەرکرن و ب دەهان کەس ژی بریندار بوون.
ل گۆر داخویانیا ئەنجوومەنا نشتمانی یا کوردی چەکدارێن ب ناڤێ “جوانێن شۆرەشگەر” یێن سەر ب پەکەکێ/پەیەدێ ڤە، ب دار و کەڤران ئێریشی سەر خوەپێشاندەران کرن و ب ڤێ سەدەمێ پێتر ژ 30 کەسان بریندار بوون کو برینا هن ژ وان گرانە و ژن و زارۆک ژی د ناڤا برینداران دە هەنە.
هەر وەها چەتەیێن پەکەکێ زرار گهاندنە وەساییتێن ولاتیان یێن نێزی جیهێ خوەپێشاندانێ “بارەگەهێ ئەنجوومەنا نشتمانی یا کوردی” و شووشێن ئۆتۆمۆبیلان شکاندن.
چەتەیێن پەکەکێ هەر وەها ب دەهان کەس ژ ئەندام و ئالیگرێن ئەنەکەسێ کو د ناڤا وان دە سەرۆکێ ئەنجوومەنێ ژی هەبوو رەڤاندن و پاش دەرباسبوونا ساعەتەکێ ژ رەڤاندنا وان ئەو سەربەست بەردان.
سەدەما ڤێ خوەپێشاندانێ، ئەو بوو کو، ئەنەکەسێ داخوازا ئازادکرنا ھەڤالێن خوە یێن ژ ئالیێ پەیەدێ ڤە ھاتین گرتن دکە.
