پارتیا كاركه‌ران دخوازه‌ گوندێن دهۆكێ چۆل و وێران ببن

رێخستنا په‌كه‌كێ د 3 رۆژێن بۆری ده‌ ب ئه‌نقه‌ست خوه‌ نێزی ده‌ردوورا گوندێن سینۆرێ پارێزگه‌هییا دهۆكێ دكه‌ و ئه‌ڤ یێك بوو سه‌ده‌م كو ژ سه‌رێ ڤێ مه‌هێ ڤه‌ 10 گوند و ده‌ڤه‌رێن دیار یێن ڤێ پارێزگه‌هێ بكه‌ڤن به‌ر ئێریشێن بالافرێن تركیێ.

چاڤكانیێن داركا مازی ئاشكه‌ره‌ كر كو ژ 30 خزیران هه‌یا 2 تیرمه‌ها ئیسال 2024ێ ئانگو د سێ رۆژان ده‌، ب سه‌ده‌ما لڤ و ته‌ڤگه‌رێن په‌كه‌كێ، ئارتێشا تركیێ ب ئێریشێن ئاسمانی 10 گوند و ده‌ڤه‌رێن دهۆكێ بۆردۆمان كرنه‌، زراره‌ك مه‌زن ب ئاقارێ وان گوندان كه‌تیه‌.

ئه‌ڤ ده‌ر كه‌تنه‌ به‌ر ئێریشان:

هنداڤی گوھەرزێ.

گه‌لیێ رشاڤه‌.

گەليێ بازێ.

گوندێ بازێ

دەرگەلا مووسا بەگێ.

گوندێ ميسکا.

گوندێ سه‌رگەلێ.

چیایێ هنداڤی دەڤەرا شارا ل ئاقارێ گوندێ سەرگەلێ.

ئاقارێ گوندێ سپیندارێ

دەریێ بێرا ل هنداڤی ئاقارێ گوندێ بە‌رچێ.

ئێریش ووسا بوون:

ل 30/6/2024:

دەمژمێر 7:40 تا 8:00 شەڤێ فڕۆکێن له‌‌شکرێ تورکيا دەریێ بێرا و تۆنێلا په‌كه‌كێ ل هنداڤی ئاقارێ گوندێ گوھەرزێ، گەليێ رەشاڤە ل ‏ ناحيا دێرەلۆکێ ‏بۆردومانکرینە و پتر ژ 7 مووشەکان لێداینە.

دەمژمێر 3:10 تا 3:40 نيڤرۆ تۆپخانه‌یێن لەشکرێ تورکيا 5 گوللـه‌تۆپ ل گەليێ بازێ و گوندێ ميسکا ‏ ل دەڤەرا بەرواری بالا داینە.

هه‌ر ئێڤاری گڕۆپەکێ چەکدارێن په‌كه‌كێ كو هژمارا وان نەھاتيە زانین چووينە گوندێ ميسکا و دەرگەلێ ‏ل ناحيا کانی ماسێ و ژلایێ فڕۆکێن له‌شکرێ تورکيا ڤه‌ هاتينه بۆردومانکرن و ھەمی هاتینە کوشتن.

ل 1/7/2024:

دەمژمێر 3:45 نیڤرو تۆپخانه‌یا لەشکرێ تورکيا گه‌لیێ گوندێ سه‌رگەلێ ‏ ل ناحیا دێرەلۆکێ تۆپباران کریه.

ل 2/7/2024:

دەمژمێر 12:40 تا 1:35 نیڤرۆ تۆپخانه‌یێن لەشکرێ تورکيا ناڤەندا گوندێ دەرگەلا مووسا بەگێ ل ‏ دەڤەرا بەرواری بالا بۆردۆمانکریە.

ده‌مژمێر 4:00 تا 4:36 ئێڤاری تۆپخانه‌یێن له‌شکرێ تورکيا دەریێ بێرا تۆنێلا هنداڤی گوندێ گوھەرزێ، سە‌رێ چیایێ هنداڤی دەڤەرا شارا ل ئاقارێ گوندێ سەرگەلێ تۆپباران کرینه.

دەمژمێر 7:55 تا 8:13 شەڤێ فڕۆکێن لەشکرێ تورکيا ئاقارێ گوندێ سپیندارێ ل دەڤەرا بەرێ گارەی، دەریێ بێرا ل هنداڤی ئاقارێ گوندێ بە‌رچێ، هه‌ر وها هندای گوندێ گوھەرزێ بۆردۆمان کرینه.

دەمژمێر 10:30 تا 10:40 شەڤێ فڕۆکێن ھەليکۆپتەر یێن لەشکرێ تورکيا ب چه‌کێ دوشکە تەقە ل گەليێ گوندێ بازێ ‏ دەڤەرا بەرواری بالا کریه و د هە‌مان دەمدا 5 مووشەک ل وی جهی داينە.

ژ مه‌ها گولانا ئیسال 2024ێ ڤه‌ و پاش دژواربوونا ئێریشێن ده‌وله‌تا ترك، رێخستنا په‌كه‌كێ ب ئه‌نقه‌ست چه‌كدارێن خوه‌ دشینه‌ دۆربه‌را گوندێن پارێزگه‌ها دهۆكێ، ئه‌ڤ گوند ژی ده‌وام دكه‌ڤن به‌ر ئێریشان و ڤێ نیگه‌رانیه‌ك مه‌زن ل جه‌م شێنیێن گوندان چێكریه‌ و په‌كه‌كه‌ ڤێ یه‌كێ ب زانه‌بوون دكه‌ و دخوازه‌ ئه‌و گوند و هه‌رێمێن دهۆكێ ژ شێنییان وه‌رن ڤالا كرن.