سەرۆکێ سەندیکایا کارکەرێن دھۆکێ وەلات ئۆزمانی دیار کر کو پەکەکە زرارێ ددە ئابۆریا ھەرێمێ و دەبارا گەل. ئۆزمانی د دەربارێ خسارا شەواتا کو پەکەکێ ل باژێر خستی و د دەبارێ گەل و ئابۆریا ھەرێمێ دە داخویانی دا.
ئۆزمانی ب بیر خست و گۆت: “بەرێ ب سایا بەرھەمێن کو ژ گوندان دبرن باژاران قەزەنجەک ئابۆری یا مەزن دھات بدەستخستن. لێ گەلێ ھەرێمێ ژ بەر داگیرکەریا پەکەکێ ل ھەرێمێ زرارەک مەزن دیتیە.”
ئۆزمانی گۆت کو، “پەکەکە ژ سالا 1991 و ڤر ڤە ل ڤێ ھەرێمێ زرارێ ددە مە. ئەڤ رێخستن رێ نادە کو خەلک ڤەگەرن سەر ئەرد و گوندێن بابێ خوە”. ئۆزمانی بال کشاند کو پەکەکێ ئابۆریا ھەرێما کوردستانێ خەراب کر، گوند ھاتن ڤالاکرن و گۆت: “پەکەکێ ب سەدان گوند شەوتاندن. گوند ل بەر وێرانکرنێ نە. پەکەکە نان و دەبارا گەلێ فەقیر و کارکەران ژ دەستێ وان دستینە.”
ئۆزمانی بال کشاند سەر داگیرکرنا ناڤچەیا شنگالێ یا مووسلێ یا ژ ئالی پەکەکێ ڤە و دیار کر، پەیمانا شەنگالێ یا کو د ناڤبەرا ھەولێر و بەغدایێ دە ھاتبوو ئیمزەکرن، ژ بەر پەکەکێ نەھات جێبەجێکرن.
ئۆزمانی گۆت: “رەوشا شەنگالێ باندۆرێ ل دوھۆکێ ژی دکە. ژ بەر کو ئێزدیێن ژ شەنگالێ رەڤیانە ل دھۆکێ دمینن و پێویستیا وان ب کار ژی ھەیە.”
ئۆزمانی دیار کر، 260 دوکاندارێن کو ل بازارێ چەلێ یێ دھۆکێ دکانێن وان شەوتینە دێ ل دژی بەرپرسێن شەواتێ یێن ئەندامێن پەکەکێ دۆزێ ڤەکن و گۆت کو ئەو دێ ب رێیا حکوومەتا ھەرێما کوردستانێ داخوازێن خوە بگھینن حکوومەتا ئیراقێ.
