ل باژارێ قامشلۆ 3 زارۆک ژ ئالیێ چەتەیێن پەکەکێ یێن ب ناڤێ “تەڤگەرا جوانێن شۆرەشگەر” ڤە ھاتن رەڤاندن، ب ئارمانجا بچەککرنا وان.
تۆرا رەسەد یا سووریێ بۆ مافێن مرۆڤان راگھاند، رۆژا 5 تیرمەھێ 3 زارۆک ل تاخێ زھوور یێ باژارێ قامشلۆ ژ ئالیێ تەڤگەرا جوانێن شۆرەشگەر ڤە ھاتنە رەڤاندن.
ل گۆری ھەمان ژێدەرێ، ناڤێن زارۆکان محەمەد ئیبراھیم، عۆمەر ئەلحوسێن و ھەمزە فەیسەلن و تەمەنێ وان د ناڤبەرا 12 و 13 سالی دە نە و ئەو ژ بۆ ناڤەندەکا بچەککرنا زارۆکان ھاتنە برن.
تەڤی کو ھەسەدێ د خزیرانا 2019 دە ب نەتەوێن یەکگرتی رە پلانەک ژ بۆ بداویکرن و قەدەغەکرنا تەڤلیکرنا زارۆکان د ناڤا چەکداران دە ئیمزە کربوو. لێ ژ دەما کو پەیمان ھاتیە ئیمزەکرن ڤە، رەوشا رەڤاندنا زارۆکان ب داوی نەبوویە.
مالباتێن زارۆکێن رەڤاندی ژی کریارێن تەڤگەرا جوانێن شۆرەشگەر شەرمەزار دکن و بانگ ل رێخستنێن کو گرینگیێ ددن مافێن زارۆکان، رێخستنێن ناڤدەولەتی و ئالیێن پێوەندیدار دکن کو فشارێ ل رێڤەبەریا خوەسەر و ھەسەدێ بکن تا کو چارەنڤیسا زارۆکێن وان دیار بکن.
