د 29 ئادارا 2024، گرۆپەکێ چەکدارێن سەر ب رێڤەبەریا پەیەدێ ڤە، ئێرێشی سەر مالا ئەندامێ پارتیا دەمۆکراتا کوردستانێ – سووریا، ل باژارۆکێ گرکێلەگێ، رۆژنەمەڤان راکان ئەحمەد کرن و ئەو رۆژنەماڤان ب رەنگەکێ ھۆڤانە رەڤاند و بەر ب جھەکی نەدیار ڤە بر.
د داخویانیەکا تایبەت دە بۆ مالپەرا پارتیا دەمۆکراتا کوردستان – سووریا، کەسەکی ژ مالباتا رۆژنامەڤان راکان ئەحمەد، گۆت: “ژ دەما رەڤاندنا راکان هەیانی نها ئەم د رەوشەکا ب ترس دە دژین . ھەیا نھا ت ئاگاھی ل سەر چارەنڤیس و سەدەما گرتنا وی ل بەر دەستێ مە نینە”.
د ھەمان چارچۆڤەیێ دە، ئەنجوومەنا نیشتمانی یا کورد ل سووریا ئەنەکەسێ د داخویانیەکێ دە رێڤەبەریا پەیەدێ بەرپرسیار دیت، و ب توندی ئەڤ بنپێکرنێن کو ل دژی مافێن مرۆڤان و دژی وەلاتیان، ھەڤالێن و ئالیگرێن ئەنجوومەنێ شەرمەزار کر و بانگ ل رایا گشتی، رێخستنێن ناڤدەولەتی و ھەڤپەیمانیا ناڤدەولەتی کر دەستوەردانێ بکن دا کو رێ ل ڤان بنپێکرنێن کو رۆژانە دوبارە دبن، بگرن.
