محەمەد بەگیت ل ناڤچەیا بێرەجووکا روحایێ د 31 ئادارێ دە ل سەر ناڤێ دەم پارتیێ وەک سەرۆکێ شەرەداریێ ھاتبوو ھلبژارتن. پشتی دەمەکی ژ دەم پارتیێ ڤەقەتیا. نھا ژی راستا ئێریشەکا ئەندامێن دەم پارتیێ ھاتیە.
بوویەر ل ناڤچەیا بێرەجووکێ پێک ھات، محەمەد بەگیت ل مەیدانا 15 تیرمەھێ لگەل وەلاتیان تەماشەی یاریا ناڤبەرا ترکیێ-ھۆڵاندا دکر. ل وێ دەرێ گرۆپەک ژ ئەندامێن دەمێ ئێریشێ سەرۆکێ شەرەداریێ کرن. پۆلیسان دەملدەست موداخەلەیی بوویەرێ کرن و ب گولـلەیێن ھەوایێ ئەڤ کۆمە بەلاڤ کر. دەربارێ بوویەرێ دە لێپرسین ھات دەستپێکرن و د ئەنجامێ دە کوشتی و بریندار چێنەبوون.
د 8 گولانێ دە ل دژی ئاڤاھیا دەم پارتیێ یا ناڤچەیا بیرەجیکێ ژ ئالیێ کەسەکی یان کەسێن ناسنامەیا وان نەدیار ڤە ئێریشەکە چەکداری ھاتبوو کرن. د بوویەرێ دە کوشتی و بریندار چێنەبوون لێ ئاڤاھیا ناڤچەیێ خسارەکا مادی دیتیبوو.
