شێورمەندێ سەرۆکوەزیرێ ئیراقێ راگەھاند، ترکیە ئۆپەراسیۆنێن دژی پەکەکێ یێن ل سینۆرێ ھەرێما کوردستانێ ب ھەماھەنگیا ل گەل حکوومەتا ئیراقێ پێکتینە.
شێورمەندێن سەرۆکوەزیرێ ئیراقێ ئیبراھیم ئەلسومەیدەعی، د بەرنامەیەکا تەلەڤیزیۆنی یا ل گەل چاپەمەنیا ئیراقێ دە راگەھاند: “پەکەکە، کریارێن تەوانباریێ دکە، ژ بۆ وێ ژی حکوومەتا ئیراقێ وەک رێخستنەکا تەرۆریستی دانووستانێ ل گەل دکە و نھا ئۆپەراسیۆنێن ترکیێ ل گۆر ھەماھەنگیا ناڤبەرا بەغدا و ئەنقەرێ برێڤە دچن.”
ھەروھا گۆت، سازیا ئاساییشا نیشتیمانی یا ئیراقێ تۆرەکا پەیوەندی لگەل پەکەکێ ھەیی گرتیە، کو وێ تۆرێ دخوەست کریارێن تەرۆریستی ل بەغدایێ و پارێزگەھێن دن ژی ئەنجام بدە.
ھێژایی گۆتنێیە ھێزێن ترکیێ دەمەکە ژ بەر ھەبوونا چەکدارێن پەکەکێ ل ناڤچەیێن سینۆری یێن ھەرێما کوردستانێ ئۆپەراسیۆنێن خوە زێدە کرنە و ژ ئەسمان و بەژایی ڤە ئێریش زێدە کرنە. ئەو شێورمەندێ سەرۆکوەزیرێ ئیراقێ ژی د ڤێ دەربارێ دە دبێژە: “ترکیە ژ بۆ ئێریش و ئۆپەراسیۆنێن دژی پەکەکێ یێن ل سینۆرێ ھەرێما کوردستانێ ھەماھەنگیێ ل گەل حکوومەتا ئیراقێ دکە.”
