پێشمەرگەیان ئاگرێ چیایێ بارۆزێ کۆنترۆل کر

پێشمەرگە وەکی هەر جار ئاخ و نشتیمان و وەلاتی و خوەزا و جانەوەرێن کوردستانێ دپارێزن.

وەزارەتا پێشمەرگە یا حکوومەتا هەرێما کوردستانێ ئیرۆ (دوشەمێ، 08.07.2024) پارڤە کر، «تیمەکە فەوجا سێ یا لیوایا چارێ یا پەیادە یا وەزارەتا پێشمەرگە، پشتی کو هات هایدارکرن کو ئاگر بەربوویە چیایێ بارۆخێ ل سنۆرێ ناحیەیا کانی ماسێ، فەرماندەیێ وێ فەوجێ ب هەژمارەکە ئەفسەر و پێشمەرگەیان رە گەهشت جهێ وێ شەواتێ و ب هەڤکاریا تیمێن بەرگریا شارستانی کاری وی ئاگری کۆنترۆل بکە».

وەزارەتا پێشمەرگە یا حکوومەتا هەرێما کوردستانێ هەر ئیرۆ (دوشەم، 08.07.2024) پارڤە کریە، «وەزارەتا بەرگریێ یا ئیراقێ د هایداریەکێ دە ئاماژە دایە کو کۆرسا 88ێ یا شیاندنێ ڤەدکە، هەر پێشمەرگەیەکی حەزا تەڤلیبوونێ هەبە دکارە ب رێیا یەکینەیا خوە پەیوەندیێ ب ئیدارە و میرەیێن وەزارەتا پێشمەرگەیێ رە بکە».

تەڤی بجهانینا وان تێبینیێن کو ئاماژە ژێ رە تێ کرن کو، د دەما 72 ساعەتان دە ناڤ ژ بۆ وەزارەتا بەرگریێ یا ئیراقێ تێن شاندن، لێ پێدڤییە داخوازکەر دەرچوویێن کۆلیژا سڤیل بن و ژدایکبووییێن 1/7/1994ێ و د سەر دە بن، تەڤی وێ ژی ژ پشکنینێن پزشکی دەرباز ببن و تەڤایا وان شەرتان تێ دە هەبن یێن کو ل کۆلیژێن سەربازی تێن پەیرەوکرن.