پارتیا كاركه‌ران ناسنامه‌یا دو چه‌كدارێن خوه یێن دن ئاشكه‌ره كر كو سێ مه‌هان به‌رێ ل باشوورێ كوردستانێ كه‌تنه به‌ر ئێریشان و هاتنه كوشتن و ژ نوو ڤه مرنا وان هات ئیلان كرن.
هه‌په‌گێ باسكێ له‌شكه‌ری یێ په‌كه‌كێ رۆژا یه‌كشه‌ما رابووری 7/7/2024ێ ناسنامه‌یا دو چه‌كدارێن خوه ئاشكه‌ره كر كو ل نیسانا ئیسالێ ل هه‌رێما خاكوركێ یا ل باشوورێ كوردستانێ كه‌تنه به‌ر ئێریشێ ده‌وله‌تا ترك و هاتنه كوشتن و پاش ده‌رباسبوونا 3 مه‌هان ژ نوو ڤه مرنا ئیفشا بوو.
ناڤێن وان ووسایه:
سارا خه‌لیل ژ كۆبانیێ.
ئیبراهیم محه‌مه‌د ژ ماكو.
هه‌په‌گێ د په‌سنێ ڤان دو چه‌كداران ده ژی گۆتیه ئه‌و ئاپۆیی بوون و ژ بۆی ئاپۆ فه‌دابوون.
ئارتێشا ده‌وله‌تا ترك ژده‌ستپێكا مه‌ها گولانێ ڤه ب ئێریشێن ئاسمانی ده‌ربێن گران ل په‌كه‌كێ دا نه، رێخستنێ ژ وێ ده‌مێ ڤه وه‌نداهیێن مه‌زن دا نه و ب ده‌هان گه‌ریلایێن وێ هاتنه كوشتن، لێ مرنا پرانییا وان ڤه‌شارتی هشتیه.
