پارتیا وەلاتپارێزێن کوردستانێ (PWK)ێ د سالڤەگەرا شەھیدبوونا سەرۆکێ تەڤگەرا نەتەوی یا کورد ل کۆچگیریێ عەلیشێر بەگ و ھەڤژینا وی زەریفە خانمێ ب داخویانیەکا نڤیسکی ببیرئانین.
داخویانیا پارتیا وەلاتپارێزێن کوردستانێ وھایە:
ئەم عەلیشێر بەگ و زەریفە خانمێ ب رێزداری ب بیر تینن
ئیرۆ سالڤەگەرا 87 یا قەتلکرنا سەرۆک و رێبەرێ نەتەوی یێ تەڤگەرا نەتەوی یا کورد یا کۆچگیرییێ عەلیشێر بەگ و ھەڤژینا وی زەریفە خانمێیە.
سەرۆکێ تەڤگەرا نەتەوی یا کورد یا کۆچگیرییێ عەلیشێر بەگ و زەریفە خانم ھەڤژینا وی یا تێکۆشێر و کادرۆیەکا رێبەرا تەڤگەرا نەتەوی یا کورد یا کۆچگیرییێ، پشتی شکەستخوارنا تەڤگەرا کۆچگرییێ، تەسلیمی دەولەتا ترکییەیێ نەبوون، ب سالان ل چییایێن دێرسمێ ژییان.
دەولەتا ترکییەیێ ل دێرسمێ ئامادەکارییا جینۆسایدەکا بەرفرەھ دکر. و گاڤا ئەول ژی دخوەست عەلیشێر بەگ و زەریفە خانمێ بکوژن.
کەسەکی ب ناڤێ زەینەل کو کریڤێ عەلیشێر بەگ بوو، ھەروەھا سیخور و نۆکەرێ دەولەتا ترکییەیێ بوو، رۆژا 9/7/1937، سەرێ عەلیشێر بەگ و زەریفە خانمێ ژێکر و بر تەسلیمی دەولەتا ترکییەیێ کر. ھەتا نھا ژی کەس نزانە کا تەرمێن عەلیشێر بەگ و زەریفە خانمێ ل کو دەرێ نە.
ئەم د سالڤەگەرا 87 یا شەھادەتا وان دە عەلیشێر بەگ و زەریفە خانمێ و ھەموو شەھیدێن کوردستانێ ب گرامی ببیر تینن.
9/7/2024
نڤێسینگەها راگەھاندنێ یا پارتییا وەلاتپارێزێن کوردستانێ (PWK)
