په‌كه‌كه شه‌رێ خوه نێزی گوندێن دهۆكێ دكه ژ بۆ كو ببن قادا شه‌ر
د 5 رۆژێن رابووری دا ب سه‌ده‌ما لڤ و ته‌ڤگه‌رێن په‌كه‌كێ یێن دۆربه‌را گوندێن پارێزگه‌ها دهۆكێ، ئارتێشا تركیێ ب ده‌هان بۆمبه ل 22 گوند و ده‌ڤه‌رێن دیار یێن دهۆكێ باراندنه، ته‌ڤی شه‌واتا ب ئاقارێ وان گوندان كه‌تی زراره‌ك مه‌زن ب ده‌ڤه‌رێن چاندنیێ ژی كه‌تیه، په‌كه‌كه ب ئه‌نقه‌سه‌ت شه‌رێ خوه یێ بێ ئه‌نجام ڤه‌گوهه‌ستیه دۆربه‌را گوندێن دهۆكێ، ئه‌و دخوازه وه‌رن چۆل كرن و ببن هه‌رێمێن شه‌ر.
ل گۆری ئامارا 5 رۆژێن رابووری یا لڤ و ته‌ڤگه‌رێن په‌كه‌كێ و ئێریشێن تركیێ، ل رۆژێن 3، 4، 5، 6 و 7 تیرمه‌ها ئیسال 2024ێ ئارتێشا ترکیێ ب ئێریشێن ئاسمانی و به‌ژاهی 22 گوندێن سەر ب دهۆکێ ڤە بۆمبەباران کرنە و ب ڤێ سەدەمێ زرارەک مەزن ب رەز و باخ و خوه‌زایا دەڤەرێ گهشتیە.
گوند و ده‌ڤه‌رێن دهۆكێ یێن كو ژ 3 تیرمه‌هێ ڤه ب سه‌ده‌ما په‌كه‌كێ راستی بۆمبه‌بارانێ هاتین:
گوهه‌رزێ.
تۆنێلا ل هنداڤی گوهه‌رز.
دەریێ بێرا.
هنداڤی شارا.
گیزانێ.
پشتا سگێرێ.
سەرگەلێ.
بەرچی.
گەلیێ هەسپا.
گوندێ بێشیلێ.
گەلیێ سەرگەلێ.
گوندێ مژێ.
دەریێ بێرا.
گەلیێ دەرگەلا مووسا بەگێ.
گەلیێ بێشیلێ.
گەلیی بازێ.
گەلیێ دێرا.
گەلیێ شێرانە.
هنداڤی گوندێ سپیندارێ.
گویلکا.
پشتا گەلیێ دێرەشێ.
گوندێ گرگاش.
ئێریش ووسا بوون:
ل :2024/7/3
دەمژمێر 26:2 نیڤرۆ بالافرێن ئارتێشا تركیێ رۆژئاڤایێ تۆنێلا هنداڤی گوندێ گوهەرز ل ناحیا دێره‌لۆك یا دەڤەرا نهێلێ بۆردۆمانکریە و یه‌ك مووشەک لێدایە.
دەمژمێر 6:00 ئێڤاری تۆپخانه‌یا ئارتێشا تركیێ تۆنێلا گوهەرز، دەریێ بێرا، هنداڤی شارا، گیزانێ و پشتا گوندێن سگێرێ، سەرگەلێ، بەرچی و گوهەرزێ ل ناحیا دێره‌لۆكێ ل دەڤەرا نهێلیا تۆپبارانکرینە.
دەمژمێر 8:30 تا 8:25 شەڤێ بالافرێن ئارتێشا تركیێ گەلیێ هەسپا ل ئاقارێ گوندێ بێشیلێ ل دەڤەرا بەرواری بالا بۆردۆمانکریە و دو مووشەک لێداینە.
ل 2024/7/4:
دەمژمێر 7:00 مەغرەب ل گوندێ گوهەرز ل ناحیا دێره‌لۆكێ گوللـە تۆپەک ب بانێ مالا شێنیه‌كێ گوندێ گوهەرز کەت.
ل 5/7/2024:
ده‌مژمێر 10:00 شەڤێ گوللـە تۆپەکه دن ب نێزی ده‌ریێ مالا شێنیه‌كی دن یێ گوندێ گوهه‌رز كه‌ت.
دەمژمێر 1:10 نیڤرۆ بالافرێن ئارتێشا تركیێ پشتا گوندێ گوهەرز ل ناحیا دێره‌لۆكێ بۆردۆمانکریە و یه‌ك مووشەک لێدایە.
دەمژمێر 9:00 تا 12:02 شه‌ڤێ تۆپخانه‌یا ئارتێشا تركیێ گەلیێ سەرگەلێ ۔ ناحیا دێره‌لۆكێ ب دژواری تۆپبارانکریە، هەروەها ئاقارێ گوندێ مژێ ل دەڤەرا بەرێ گارەی و دەریێ بێرا ل دەڤەرا نهێلیا بۆردۆمانکرن.
2024/7/6:
دەمژمێر 12:20 تا 12:45 شەڤێ بالافرێن هەلیکۆپتەر یێن ئارتێشا تركیێ ب چەکێ دۆشکە ل گەلیێ دەرگەلا مووسا بەگێ و گەلیێ بێشیلێ ل دەڤەرا بەرواری بالا خستیه.
دەمژمێر 1:20 تۆپخانه‌یێن ئارتێشا تركیێ هه‌ژمارا 5 گوللـه‌تۆپ ل گەلیی بازێ ۔ دەڤەرا بەرواری بالا خستنه.
دەمژمێر 6:55 تا 7:12 مەغرەب بالافرێن ئارتێشا تركیێ گەلیێ بازێ، گەلیێ دێرا و گەلیێ بێشیلێ ل دەڤەرا بەرواری بالا بۆردۆمانکرنە و سێ مووشەک لێخستنه.
دەمژمێر 6:42 تا 7:25 مەغرەب تۆپخانە و بالافرێن ئارتێشا تركیێ دەڤەرێن پشتا گوندێ گوهەرز، تۆنێلا ێ ل هنداڤی گوندێ گوهەرز، گەلیێ شێرانە و هنداڤی گوندێ سپیندارێ ل دەڤەرا بەرێ گارە بۆردۆمانکرنە.
ل 7/7/2024:
ده‌مژمێر 6:20 تا 6:35 ئێڤارێ بالافرێن ئارتێشا تركیێ گەلیێ دەرگەلێ، گویلکا و گەلیێ دێرا ل دەڤەرا بەرواری بالا و ئاقارێ گوندێ سپیندارێ و پشتا گەلیێ دێرەشێ ل دەڤەرا بەرێ گارە بۆردۆمانکرنە و پێنج مووشەک لێخستنه.
دەمژمێر 6:40 ئێڤارێ بالافرێن تركیێ گوندێ گرگاش ل دەڤەرا بەرێ گارەی بۆردۆمانکریە.
ژ ده‌ستپێكا مه‌ها گولانێ ڤه ده‌وله‌تا ترك ئێریشێن ئاسمانی ل دژی په‌كه‌كێ ل باشوورێ كوردستانێ تایبه‌ت ل سینۆرێ پارێزگه‌ها دهۆكێ دژوار كرنه، په‌كه‌كێ وه‌نداهیێن مه‌زن دا نه، ئه‌ڤ یێك ل ده‌مه‌كی تێ کو نێزیكبوونا شه‌ر و په‌ڤچوونان بۆ سینۆرێ گوندێن پارێزگه‌ها دهۆكێ نیگه‌رانیه‌ك مه‌زن ل جه‌م شێنیێن گوندان چێكریه و په‌كه‌كه ڤێ یه‌كێ ب زانه‌بوون دكه و دخوازه ئه‌و گوند و هه‌رێمێن دهۆكێ ژ شێنییان وه‌رن ڤالا كرن.
