بالافرێن شه‌ر یێن ده‌وله‌تا ترك لڤ و ته‌ڤگه‌رێن په‌كه‌كێ یێن ل چیایێ گاره بۆردۆمان كرن، 3 چه‌كدارێن رێخستنێ كوشتن.
وه‌زاره‌تا پاراستنا نه‌ته‌وی یا تركیێ ئیرۆ رۆژا چارشه‌می 10\7\2024 راگهاند كو د ئێریشا ل سه‌ر بنكه‌یێن په‌كه‌كێ ده ل چیایێ گاره، 3 چه‌كدارێن رێخستنێ هاتن ئارمانج گرتن.
ده‌وله‌تا ترك وێنه‌یێن ئێریشا ئاسمانی پارڤه‌كرنه و تێ ده خوه‌یا دبه كو جیهێ هاتیه بۆردۆمان كرن دۆمانه‌كه مه‌زن ژێ به‌رز بوویه.
ژ مه‌ها گولانا ئیسال 2024ێ ئارتێشا ده‌وله‌تا ترك ئێریشێن ل دژی په‌كه‌كێ ل باشوورێ كوردستانێ زێده كرنه، په‌كه‌كێ وه‌نداهیێن مه‌زن دا نه، ژ رۆژێن رابووری ژی ڤه چه‌كدارێن په‌كه‌كێ ته‌ڤگه‌را خوه نێزی گوندێن پارێزگه‌ها دهۆكێ كرنه و ب ڤێ سه‌ده‌مێ ئه‌ڤ گوند ده‌وام دكه‌ڤن به‌ر ئێریشان و شه‌وات و زرارێن مه‌زن ب ئاقارێ وان كه‌تیه.
